يقولون برد ..

[عوض الظامي]

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ومن شفتها وجهي لهـــــــا بش = وبدينا سوالف ضحك ومزوح
سواليفها مثـــــــل المطر طش = تبل العروق وتنعش الـــروح
وانا قلبي ادري به رطـب هش = وسفيه ان لقا طيب من البـوحِ
وعصفور ماله صاحـب وعش = ومسكون طيش وساكن جروح
لها ضحكة ابعد مالها الغــــش = ولي احساس أقرب ماله النوح !
إذا قالت تصدق أقــــول اشش = أنا اصدق ان الصدق مذبــوح !
وتقول اقصد اسمع بــردنا دش = ويقولون برد ويكسر اللـــوح !!!
ويقولون :
برد !
ويكسر اللوح ...[/poem]

 

[حسام المؤيد]

قصيدة دافئة في وقتها البرد
صح لسانك

 

[ميسون الرملاوي]

باسقة تنفست العذوبة
لتبعث الدفء رغم زمهرير أحاسيسها ،،

لله درك

 

[مها الحسين]

...

وانـا قلبـي ادري بــه رطــب هــش

وسفيـه ان لقـا طيـب مـن الـبـوحِ

عوض الظامي

بحق مع هالقصيده خف البرد ..!

صح لسانك حرف لا مثيل له وكلمات لها من الجمال نصيب كبير

 

[مريم عبدالله المتعب]

الشاعر القدير عوض الضامي
قصيدة فارهة الجمال والمعنى والمبنى
دمت بخير اخوي

 

[عوض الظامي]

المشاركة الأصلية كتبت بواسطة حسام المؤيد

قصيدة دافئة في وقتها البرد
صح لسانك

حسام

كيف السبيل لشكر حضورك
صح كلك

 

[عوض الظامي]

المشاركة الأصلية كتبت بواسطة ميسون الرملاوي

باسقة تنفست العذوبة

لتبعث الدفء رغم زمهرير أحاسيسها ،،

لله درك

ميسون
وكلماتك الباسقة أعلاه قرأتها شعراُ
شكراً لا تنتهي

 

[عوض الظامي]

المشاركة الأصلية كتبت بواسطة مها الحسين

...

عوض الظامي
بحق مع هالقصيده خف البرد ..!

صح لسانك حرف لا مثيل له وكلمات لها من الجمال نصيب كبير

مها

والله يامها ابتسمت وأنا أقرأ لك / لي ..
قلت في نفسي بالأمس وأنا في محل ابحث عن مدفأة
ويعرض علي البائع ويقول ( فيه 11 ريشة وفيه 15 ريشة صيني وبلغاري وألماني
قاطعته عطني 15 ريشة ألماني والله يامها
لو كنت أعلم أن قصيدتي تخفف البرد لعرضتها للبيع وقلت قصيدة ألمانية 7 ريشات !!
مها ..شكراً لاتنتهي ...