كنت اتحجج ولو مالي معك حاجه ؟

[سعد مسهوج]

محتاج لك ..

القصيدة بصوتي..

http://www.4shared.com/audio/cSNbq2WE/____.htm

كنت اتحجج ولو مالي معك حاجه!
....................والحين محتاج لك ولا معي حجه

بالامس من كثر ما اشوفك ونتواجه
....................ماخذ من هموم قلبي والجفا سجه

واليوم حبك تمكـَن .. واحكم سياجه
.................ما عاد اعرف لوين؟ وكيف اتوجه؟

لوكنت حولك .. طلبتك عجل افراجه
.................شه اللتفت لي ..والي منه غرق نجه

بيت الصبر طاح بعدك وانطفى سراجه
...................والبعد جوّه محل ومصالفه عجه

مدخاله الهم .. والاحزان مخراجه
.................والياس لا ضقت يبدا .. يتسع فجه

الدمع بالعين يلعج واخفي اللعاجه
.................. لو تستقيم الضلوع الحال معوجه!

والحب بحر ٍ يصافق .. زبده امواجه
..................ادنات ما ازعج هدوّه والعرب لجه

من ذاق (خيره) تحمل طعم اوجاجه
................ومن ذاق (شره ) يمج الخير لا مجه

والا انت سبّة غلاي وسبّة احراجه
................ وشلون وانت الذي سويت بي ضجه

انا من العام اشـيّـد عالي ابراجه
.................. وانته على رجة الايام .. لك رجه

ذابحني الهرج .. والافكار هرّاجه
...................من يوم حجيت والحجه هي الحجه!

ما غير اللحن طروق الوجد وافواجه
.............. تقطف من ازهار عمري والف الصجه

دجت بغرامك ونفس العشق دواجه
....................والناس بلسانها .. والله من الدجه!

من عقب ما كان قلبي يضحك حجاجه!
......................عيني عن النوم والافراح محتجه

اخوكم
سعد مسهوج العلاطي

 

[أمجاد محمد]

بيت الصبر طاح بعدك وانطفى سراجه
...................والبعد جوّه محل ومصالفه عجه

نص في منتهى الروعة
دام إحساسك الراقي
شكراً لك

 

[سعد مسهوج]

امجاد

دام مجدك

شكرا لك

 

[محمد البدراني]

.

الجميييييييييل سعد

صباحك شعر ياخوي

 

[سعد مسهوج]

الرائع محمد

صباح شعوووووور اجمل