الأهداء إلى : ناصر .

[نواف التركي]

.

.

.

.

.

.

تعال أمطر ..


يبس غصن الكلام المورق الأخضر ..


ولا ساقي ..


ولا غيمة يبللّ ضحكها أرواقي ..


سنين وشاعرك يقطف عناقيد الكلام العذب ..


ولاغايب قدر يرجع ..


ياليت العمر.. شريط أقدر أعيده كل ما غايب بذر نبتة غلاه بداخلي وأقفى ..


عشان من أوّله أجفى ..


عشان أرتاح من هذا الحنين اللي تغافلني وجاب أقصاي ..



تعال أمطر ..


عشان يكون للدنيا طعم ثاني ..


عشان أذكرك وأنساني ..


عشاني كان باقي لي بقلبك شي ..


عشاني مو عشان الشعر ..


مدد يا سيّد أوجاعي ..


كذا ماعادت الدنيا تساوي شيّ ..


كذا ما أحسّ بأنّي حيّ ..


أنا محتاج لك حتى لو أنّك جرح ..


تعال الليلة أكثر من كذا وأكثر ..


تعال أمطر


تعال امطر



تعال أبيك اليوم


خل بكرة لبكرة


طيّر حمام النوم


لو كنت بي مكره


خلّ الكلام يحوم


وأقنص لك الفكرة



تعال وشوف وشلون أبعث الميّت من الأحساس من قبره ..


تعال أنفخ لك بروح الشعر ما يطرب الأوراح ..


أنا ياسيدّي ربّ الكلام الموجع المرتاح ..



تعال أمطر ..



يبس غصن الكلام المورق الأخضر


ذبلت بغيبتك يا ساقي أحزاني


حسبت أنّي على هذا الغياب أقدر


وقلت أسلّمك لكفوف نسياني


وكان الدرب موحش والحنين أكثر


وكنت بكل درب أروح تلقاني



وكانت كل رغبة داخلي تصغر ..


وكنت أكبر..


ووحدك داخلي تكبر ..


أخيراً والحديث الموجع أحياناً هو الأحساس ..


أمانة خلّني بك غير كل الناس ..


ورح مسموح ..


لا ترجع ..


ولا يورق بعدك أحساس ..


ولا تمطر ..


هي الذكرى وحدها القادرة تبعث حياة بداخلي وأكتب ..


وأحسّ أني مثل هالناس ..


وأحسّ أنّ لجروحي قلب ..


وأروح أكبر ..


مثل كل الشجر لما يتساقط في خريف العمر ..


أنا ياسيّد أوجاعي بديت أسقط ..

 

[ميــرال]

.


انايانواف ابي اقطف عنقود حتى يجي ناصر بعد اذنه


عشان أرتاح من هذا الحنين اللي تغافلني وجاب أقصاي ..

تعال أمطر ..

عشان يكون للدنيا طعم ثاني ..

عشان أذكرك وأنساني ..


كل عام والشعر بخير بحضورك

 

[خالد الداودي]

تتسلل كـ حفيف شجر الى الروح يا نواف
مخملي هذا الشعور
منساب .. تتجدول موسيقاه عذوبه

هذا الصباح بصحبتك .. انقى ..بنسائم روجك


شكرا واكثر

خالد الداؤدي

 

[سلطان الوثر]

رائع يانواف
جداً جداً

من الإستحضار إلى الحضور
والشعر حاضر بك

مبدع يانواف

لاهنت
وألف شكر لك وأكثر

 

[خالد العزاب]

النواف يصباح الطهر والطيب والحان الغرام !!



الحديث عن نصوص مثل هذه النصوص يحتاج للكثير
لا اشك اولها طقوس الكتابه السليمه والصحيحه

لا اعلم

كل ماعرفه اني قرأت النص مره ومثنى واكثر !

وكثير ود واحترام

 

[سالم الراشدي]

[ سنين وشاعرك يقطف عناقيد الكلام العذب ،ولاغايب قدر يرجع !! ]



:



انت في هالمقطع يانواف .. اختصرت علي مسيرة من الحيره في محاولة التّعبير .
كتبتني بأدقّ التفاصيل والآلام ، وكأنك تكتب لـ الذكريات عمرا ً آخر .


[ عشان أرتاح من هذا الحنين اللي تغافلني وجاب أقصاي ]


والله متصفّح ، يجبرني على تسجيل الدخول يانوّاف
صحّ كلك ياشعر

 

[صالح الحريري]

من أراد أن ينصت للشعر

فليقرأ لهذا الشاعر

فكلماته لا تأتي من فراغ لفراغ

بل هي مزن مثقلة بالشعر والمعنى والشعور ...!!

شكرا لأنك للشعر

ليكون الشعر بك بخير يــ نواف

 

[هـيـفـااللاّفـي]

تعال أمطر ..
عشان يكون للدنيا طعم ثاني .
عشان أذكرك وأنساني ..
عشاني كان باقي لي بقلبك شي ..
عشاني مو عشان الشعر ..
مدد يا سيّد أوجاعي ..
كذا ماعادت الدنيا تساوي شيّ ..
كذا ما أحسّ بأنّي حيّ ..

,’
{..نبض راقي كعادتك..يانواف ..

اطلالتك هي بذخ الكلمات التي تجثو على طلوة الصبح......

وللبياض في نصوصك اطلالة ....

دمت راقيا ...
دمت شاعرا حقيقيا.....

تحياتي