[ وحــيــــد ] !

[نايف العمر]

الليل أصدق لو ظلامه خدعني
...... والصُبح .. عُمره ما وفى للمواعيد
أنا [ الوحيد ] اللي بغيابي فقدني
....... وانا اللي عايش [ ميّت ] بـ ليلة العيد
بعيد .. احاول أجذب الناس منّي
........ وكل ما أقرّب .. أكتشف نفسي بعيد !

وحيد .. وأشعر إني في الظلام بخير
................. وحيد .. وأشعر إني مزدحم بالناس !

معي إحساس .. لكن ما شعر بالغير
.................. معي إحساس إنه .. ما معي إحساس

تحرّتني السنين آكبر .. عشان آصير
.................. طفل .. ياخذ من [ الضيقه ] هوا وانفاس !

كبرت .. وكبرَت أحزاني وصدري صغير
.................... وعجزت ألقى لعيني في الليالي [ نعاس ] !

كثير آقول إني ما بعيش كثير
..................... وإذا حآولت آسكت .. يهمس الوسواس ..

واشوف إن الوفا ( غصن ٍ ) فقد له طير
..................... وآشوف إن البشر ما تشبه إلا [ الفاس ]

وآخايل في الصباح .. إن الظلام ينير
.................... وآخايل في الظلام إن الضيا محتاس

كأني من كثر صدقي .. نفخت الكير
.................... لأني ما كذبت وصرت من [ ألماس ] !

مشيت الدرب وحدي .. ما قدرت آسير
.................... مع اللي شكلـّوا [ عالم ] بطين الباس !

عطشت .. ورحت أدوّر فِ الخلايق بير
..................... ومِت من العطش .. كل البشر يبّاس !

 

[نايف الرحيمي]

عطشت .. ورحت أدوّر فِ الخلايق بير
..................... ومِت من العطش .. كل البشر يبّاس !

:

وانا اقول :
مامعي إحساس انه .. مامعك إحساس : )

راااائع وجميل كعادتك .. تقديري

.

 

[بتال المنصور]

يا نايف .. أهكذا تخاطب نفسك دوما ً !!

يارجل .. أنت هنا كنت وحيدا ً بإزدحام ..
ومزدحما ً بالوحدة .. تماما ً

ومع ذلك .. ورغم الألم الذي يستفز النبض ..
لم أجد مع آه ٍ تكاثرت سوى .. الإبتسام
بل والإمتنان أيضا ً .. على أن هناك من يستطيع إحالة عجزنا
إلى محراب ٍ للشاعرية .. والصدق !

صح غيمك ,,

 

[خالد علي اليامي]

كأني من كثر صدقي .. نفخت الكير
.................... لأني ما كذبت وصرت من [ ألماس ]

حقا انت الماس يانايف

بس تعال /وين الغيبه؟!!!!!

 

[سعيد الموسى]

دائماً جميل ياشاعري .
ولم تكن وحيداً ... خصوصاً في العجز الأخير !
كنت ممتلئ بالناس !
وأصبحت ممتلئ بالإحساس ...
.
.
إبتسامتك جميلة ياشاعري فـ عد لها

 

[عائشة العريمي]

صح لسانك ايها الشاعر

 

[صالح العرجان]

نايف العمر

وحدتك [ روح تكتشف معنى الحياة ] ،،!
صح لسانك وفكرك

رد ود

 

[عمر المسفر]

نايف العمر
عمراً نائف بـ هذا الشعور والإحساس
أنت مدهش حتماً
وهذا النص عالي في الصوره والإحساس
والروح الجميله
صح كلك صاحبي