رحم العتيم

[لطيفه الشمري]

[poem=font="Mudir MT,5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]











الاناث اللي ولدنا من خطا رحم العتيم = ماستر باقي حياهن ليل وارضاه احتفال
مارضع اعذب حلاهن عفة القلب الرحيم = وماروى زيف الغواني خمس رضعاتً توال
خوةً مااستكملت لنصابها عدً سليم = معصيه نون النسا لاخالطت جمع الرجال
الجهاله اهملت عظم الفكر واصبح رميم = واهتمامات الثقافه احيت افكار الجدال
لاتذاكى بين قومً اغبى واحدهم فهيم = ولا تفيا شمس عصرً تحتري وقت الزوال
خابت الهقوه سوادً مارحم ضعف اليتيم = وثار بالشفّه جوابً كان اشبه باالسؤال
حارت الدمعه بعين اللي على الدنيا حليم = وماتت الفرحه قصيده ماحوت بعض الخيال
من رياح الوقت طعنه بددت تالي هشيم = وبين دمعي وارتحاله قرب عمان وخوال
اذبح احساسي بجوفك واقبر الصوت الرخيم = وادفنن وسط الحنايا واستر دموع الليال
بين سرك والضلوع احساس باالالفه حميم = لو بغى حكي العواذل يقطعه ماله مجال
لو كتبتك بالقصيده سر والمولى عليم = يفضحن شوق القوافي لاغدى همسي محال
شعرك اللي من قريته صار لجروحي كليم = لو تكلم جرح شعري ردد ابياتك وقال
يابعد حي الخطاوي لاغدى دربك خصيم = وانثنى عزم الهقاوي بين ظلمك والعدال
وانزوى باقي غرورً كان بحضورك عظيم = سالبه قاسي غيابك مجد ماصوت تعال
يعتريني في حضورك ليل من برده اليم = وتكتسيني لا لمحتك ابهى آيآت الجمال
وينتشي بي فرح ديمه ترقص اليا لاح غيم = من كرمها تفرح اليا مدت القطره زلال
وارتوت ارضً ذبحها من الضما هجرًو ضيم = من مطر عشق يبلل يابس الشوف بوصال
ياوفا من رفقة الخاين غدى حاله سقيم = ماحوته احزان عمرً ينشد الواقع كمال
لاتصيف بالحجاز ان كان ماهب النسيم = والهوى الغربي جنونه زاد بالصدر اشتعال
مابوه اطهر من غلاك اللي غدى لذنبي نديم = ينتشي توبة نسايم حب لاهب الشمال
انتثر فيني ترف لو عذبه زود النعيم = استحى لاينقض العقده من السحر الحلال [/poem]

 

[محمد البدراني]

لا يبعد روح الشمال يا الشمرية .. !

شعر يمتعنا من الضلع لـ الضلع

اقسم بالله ما راح اقراء نص بابعاد اليوم

تكفيني فاتنتك .. !

لطيفة .. احترامي

 

[ظافر الهرمسي الهاجري]

لطيفة

لأغانيك طعم البنفسج

وصبا الوجد

وهطوووول

صح قلبك يا روح الشمال

 

[سعد الروقي]

:
قصيدة عن 1000 قصيدة يالطيفه
تنثرين بها الحلل الفاخره على صدر الشعر

تقديري

 

[أحمد الهايس]

الإخت والشاعرة القديره

لطيفه الشمري

النسيم الآن ليس بالحجاز وإنما هنا في ابعاد الادب

نفحه شماليه تبعث بنا الحياة

نص راقي يرقى لمستوى من خطته يمناه

وزاده جمالاً تلك اللهجه الرائعه الذي تأتي مفرداتها العاديه بالشعر العذب

كل الود

والتقدير

 

[لطيفه الشمري]

البدراني ..
تعجز الكلمـآت وتتعلثم الابجديه امـآم مرورك الحـآتمي ..
وحضورك الوآرف ..!

 

[أمجد الدبيسي]

هنآ شعر لايقبل التجزئه
لطيفه
اتعبنا كثرا هذا الجمال

 

[حنان الفايز]

نص فائق في الجمال والروعة هكذا الشعر الحق يالطيفة

سلم القلم وصح النبض رائعة دون شك