شـهـرزاد

[محمد الزويد]

السلام عليكم و رحمة الله و بركاته


[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اخترتك انتي بين كل الصبايا=ياللي بحلاك الانثوي فتنة الزين
لاتسأليني عن وصوف الحلايا=سبحانه اللي صوّرك يا أريش العين
ما شفت ابد مثلك عسل في البرايا=مالك شبيه و ما انوجد منك ثنتين
دمك خفيف و خف ضلك دوايا=يضحك معاك القلب و انتي تضحكين
فوق الحلا يحلى جمالك معايا=بجلس قريب و شوفي شـْـقد تحلين
من روعة وْصوفك تغار المرايا=تحتار اصلا توصفك بس من وين
وش بالمشاغل زود فيها مزايا=لو مكيجوا وجهك ترى جد مخطين
وش عاد هالمكياج يعطي حلايا=انتي جمالك يجذب بْدون تلوين
و الرمش لو بتكحلينه لرضايا=الورد ما يحتاج كحله و تزيـّن
الروج يتلذذ حلاة الشفايا=ما ألوم روجك لو سكر فيك كل حين
يا شهرزاد الحب ودي بحكايا=ابيك عندي من يجي الليل تحكين
قصص غرامك يوم عشتي هوايا=عن ألف ليله تحكي شْـعور قلبين
عن فارس احلامك و نبض الحنايا=يوم ٍ تحقق حلمك اللي تـْمنين
و كيف الاماني كوّنت لك خلايا=على حساب الروح و القلب و العين
واحساس قلبك كيف ينبض معايا=وانا اضمك وسط صدري و تدفين
عن ذكريات الأمس وسط الهدايا=و مناسبات الود بين المحبـّين
عن بنت صانت سترها بالعبايا=و بنت التبرج زيـّنوها الشياطين
و أهل الترف و شلون راحو ضحايا=و كيف السعاده جات فـ بيوت من طين
و التضحيه لجل الوفا و العطايا=و قصة بطل خيـّال صال الميادين
يا مترفة شاعرك ودي بـْحكايا=ابيك دايم من يجي الليل تبدين
أنا اشهد انك للأناقه دعايا=ليت العذارى تقتدي فيك و تـْزين
من علمك سرد القصص يا غلايا=قولي وانا انظم لك قصيدي دواوين
[/poem]