مواساة لـ " حلم البواخر " ..

[نايف الرحيمي]

مساءٌ .. يَـغرق ..
باللون / بالدمع ..

الأزرق

:

:

:

أيام مرّت .. وانتهت بعدَها سْنين
رسمت فيها من خيالي .. أماني

اشعلت شمعة حلم .. ثمْ قلت بعدين
اكيد راحة ... واِبتسم .. يا زماني

كنت انتظر فرحة زماني .. وهالحين
صارت على صدري تضيق المحاني

والدمعة .. اللي تلمع بداخل العين
اختارت مْن اطراف خدي .. مواني

الحظ معها طاح .. ياحظه الشين
حاولت أكفّ اللي بقى .. مامداني

ثقل الحزن يرجح بكل الموازين
يوم الفرح لامن دعيته.. عصاني

لو الحياه تفيد معها .. "التلاوين"
لوّنت "شِهب" ايامها.. أرجواني

مليت أدوّر بالصحاري .. بساتين
مليت أدوّر بالمداين .. مباني

تعبت اقاسي .. صدمتي فالمحبين
تعبت اواسي .. دمعتي بالأغاني

شكيت بعض من العنا .. للعناوين
بكيت بعض من العنا .. للمعاني

لقيت هذا الحزن لو راح يومين
بكره يجينا بس .. في شكل ثاني

:

.

 

[عبدالله صلال العساف]

حلم جميل
ابحرت به على ضفاف الشعر
والشاعريه الراقيه
نص مليئ باللوعه

 

[قايـد الحربي]

نايف الرحيمي
ــــ
* * *


كُل الترحيب بك .


:

هذهِ المواسَاة : مَرْساة ..
وَ هذا الأزرق سَادر الفتنة حدّ الشعر :
شكيت بعض من العنا .. للعناوين
ــــ بكيت بعض من العنا .. للمعاني

[ العين ] هنا تُعاد وَ لا تَتَكرّر وَ بشَهادة الشعر .

:

نايف ..
رتّبت هذا المساء ، فشكراً لك .

 

[شمس]

الله عليك
الله عليك

اللوحة والقصيدة واللحن
هذا المساء مختلف بك يا نايف الرحيمي

 

[حاتم منصور]

شكيت بعض من العنا .. للعناوين
بكيت بعض من العنا .. للمعاني

لقيت هذا الحزن لو راح يومين
بكره يجينا بس .. في شكل ثاني


ورست سفينة ذائقتي هذا المساء بميناء هذا النص الوارف
لله أنت ماأروعك يانايف
شكرا ً لا تكيفك بل أكثر من ذلك ياعذب

محبك

 

[فاطمة ناصر]

مليت أدوّر بالصحاري .. بساتين
مليت أدوّر بالمداين .. مباني

تعبت اقاسي .. صدمتي فالمحبين
تعبت اواسي .. دمعتي بالأغاني

شكيت بعض من العنا .. للعناوين
بكيت بعض من العنا .. للمعاني

لقيت هذا الحزن لو راح يومين
بكره يجينا بس .. في شكل ثاني

العذب \ ْ/ نايــف الرحيمي .●°
نَصْ مُذهلْ ،
وجدتُ لذّةْ آلحَرفْ ب نصك يَ عَذبْ ،
فما أجمل ان تعانق حروفنا ذآتاً سكنتْ بِنـآ بِ كلّ مآ تحمِلُ من شعورْ.
لِ سمو الشعر وأنت ،
...

 

[محمد الغشام]

,


نايف الرحيمي
للشعر وللمداد والمرسى
وضعت لنا لوحه نتجول بها برقه وأحساس ..

لله درك
عاطِر التحايا

 

[محمد الزويد]

نايف الرحيمي .. اماني و تعب من ثقل الاحزان و الهموم و امل بائس
هكذا كانت حكاية النص المليئ بالصور الشاعريه الجميله التي تستحق الاشاده

مليت أدوّر بالصحاري .. بساتين
... ... ... مليت أدوّر بالمداين .. مباني

صح لسانك و لا هنت
دمت بخير