لاتستفز الجرح,,,!!

[غالية زهر]

لا تستفز الجرح..ياطاري الليل =أنا عقب هالليل منك..بريّة
ولاترسم الحسرة على ملمح سهيل =مايحتمل حزني تزود عليّه
أنا درست الحب..جيلٍ ورا جيل أنا =عطيت العشق كلي عطية..
جازفت بالخاطر..ولاعاد بي حيل =وافنيت ليلي في حلومٍ قصيّه
واجتزت بآلامي حدود وعراقيل =واخليت فكري من مطامع دِنيّه
لاني لقيت الدرب..يجرفني السيل= ولاني رضيت الهم..نفسي عصيّه
لاقلت اببدا واترك الصمت والقيل =وشلون اببدا..والنهاية جليّه؟؟
لاجيت ابضحك..واضوي الفرح قنديل= ماضحكي الا ضحك((شر البليّه))!!
غنيت باقي ذكرياتي..مواويل..= وابكيت سمّاعي...وعيني بكيّه!!!
جاوب سؤالي..يامذوقني الويل..= يامهدي العبره..لعيني..هديّه,,
شلتك على راسي..ولااثمر الشيل= واوصيتك بروحي..وخنت الوصيّه..
عزّيت قدرك فوووق..وارخصتني..حييل= وانا طوال العمر قبلك..أبيّه,,
من ضلع أعوج..بس..ماأعرف الميل =من أصل شامخ..ماخطيت الخطيّه..
أوَّلت افعالك..((بمليووون ))تأويل =ولاوصلت ....لحل هذي القضيه!!!!!
هذي جزاة الصدق؟؟خدعه..وتمثيل؟؟ =لاتحسب اني عن جحودك..سهيّه!!
وبحق..من نزّل كلامه بتنزيل =بذوِّقك..حر المواجع....بيديّه!!!
وابدل احساس الهنا شر تبديل =شوفة عذابك..يمكن احلى شويّه!!!
وانال منك..وانتشي لحظة النيل =واعلمك..واشلون..تشقي ((وفيه)),,,,

تقبلوا تحياتي..
غالــــ زهر ـــيـــــة

"بنت الغالي"

 

[نهار بن ممدوح]

القديره غالية زهر

نص رااائع وأكثر

وحضور مبلل بالمطر


كل عام وانتي بخير


ودي وتقديري

 

[سعيد الموسى]

هذا الصباح جميل , بك وبنشيدك ياغاليه

مبهج , ومشرق !

كــــــــأنه تغريدة عصفور فوق أغصان الزيتون !


أهلاً بـــــــ حرفك ياغالية زهر

وشكراً لك

 

[عمرالمرواني]

.
.
.
رائعة هذه الأحاسيس
غالية زهر
أرق المنى
.
.
.

 

[غالية زهر]

اقتباس:المشاركة الأصلية كتبت بواسطة نهار بن ممدوح

القديره غالية زهر

نص رااائع وأكثر

وحضور مبلل بالمطر

كل عام وانتي بخير

ودي وتقديري

استاذي...نهار
سلمت اناملك...
اشكرك كل الشكر على تعطيرك لمتصفحي بمرورك الكريم
وكل عام وانت بالف خير,,,,

 

[رحيل عواد]

غالية زهر
كلمات ترسم عذوبة أحساسك
وجزالة بوحك .
مع هذا الجمال لا يسعنا إلا
التحليق والتأمل .
ولكِ كل الشكر

 

[داليا العنزي]

راقت لي كثيرا
ياراقيه
دمتى كما تحبين

 

[عبدالعزيز العميري]

عندما نستفز الجراح
فانها تنبت الشعر
شكرا لهذا الجمال
كنت هنا