.
وش بقى ..
كثر اللي صار ؟!
يا حسافه ..
إحترفتي الكذب مهنه
صرتي نجمه
في سما أهلك وربعك
قالوا فطنه ..!!
شجعوكِ ..
علّموا طيشك وزادوا
علّموك ِ ..
والحقيقه ..
ما حجبت ِ إلا ّ نهارك
من غرورك ..
طال وقتك وإنتظارك ..
**********
كنت أنادي ..
كنت أحلم بك
أيادي ..
من حنيني صرت أشوفك
في فؤادي
تشتتيني .. تجمعيني ..
شيّ عادي ..
توعديني .. تخلفي وعدك ..
وأصدق ..
مهما قلتي عن هوانا ..
عن لقانا ..
قلتلك : عقل ٍ ومَنْطق ..
والحقيقه ..
ما حجبت ِ إلا ّ نهارك ..
من غرورك ..
طال وقتك وإنتظارك ...!!
**********
وبان ..
كل ّ اللي رسمتي ..
قلتلك :
وشلونك إنت ِ
وإبتسمتي ..!!
ما دريتي إنّي عرفتك ..!!
خاينه ..
وألحين خنتك ..!!
يا حنونه بالكذب ..
ما عاد ينفع ..
هذا أنا عندي طلب ..
لا عاد ترجع ..
لا تشوفيني ضعفت ..
آنا أقوى ..
وإنت ِ أضعف
من عَرفت ..!!
والحقيقه ..
ما حجبت ِ إلا ّ نهارك ..!!
من غرورك ..
طال وقتك وإنتظارك ..!!
مدام عيونك السودا ... تبي ذلّي .. وتجريحي
............... تبي ترقى .. على جرح ٍ .. نزفته من كثر مابه
فـ أنا حالف لـ اخلّيها تواجه, عاصفة ريحي
............... تهوجس .. في منام ٍ ما .. يجيها ... لو فِتح بابه
عشاني صرت اصدّقها ... وهذا كلّ تصريحي
............... تبي تلعب على قلب ٍ .... حزين ٍ \ ماتت أعصابه
وربي حافظ اللّعبه ... كثر حفظي ... لتلويحي
............... أبقلبها , على شخصك ... وألوّح لك ... ومو آبه
خلاص القصه مفهومه يا عصفوره لو تْصيحي
............... دفنت العام ... يوم إنّي ... بدمع ٍ .. أجهل أسبابه
وطوّقتك, وحاصرتك .. وعَلّمتك .. عَبق شيحي
............... وكيف إنّ العبق, صعبه .. يخون الشيح .. وأحبابه
ولَكنّ الجرح \ [ ميّت ] ولا بيحس ... تشريحي
............... مثل منهو فقد .. في دنيته .. قلب .. أجمل أصحابه
حزينه لحظتي عندك .... وأغرب من تباريحي
............... يا أكبر .. غلطة أيامي ... يا أعظم .. بنت .. كَذابه
صحيح إنّي تركتك لك .. على مَدّ النّظر طيحي
............... وشوفي كيف يتساقط ... [ خريفك ] ... تنطق أتعابه
وعيشي بْحسرتك حتى عن دروب الأنا, تْشيحي
............... تشوفين ... الفرح ... وإيا الآسى .. بالعين .. متشابه
وأنا / أنزع من جْروحي, مسا يحكي وتصبيحي
............... بثوب ٍ كنت أحَسْب إنّي ..\ [ نسيته ] ../ عاود إرهابه
وأخيرا ً ما بقالي غير [ سجاده ] .... وتسبيحي
............... عسى ضيق الزمن ... يفتح ... أزارير ٍ ... على ثيابه
.
آخر المشاركات
09-11-2009, 06:46 AM
بنت كَذّابه ..!!
العرض الشجري