لا ارى لا أسمع لا أتكلم....

[صبا الكادي]

لا ارى لا أسمع لا أتكلم....

شعار لا يخفى عنكم لمن اراد السلام في مكان يضج بالسلبيات ومابين العامية والفصحى سيكون حديث المتصفح

(لكن لا أحد يقول صبا قالت..ترى الظلم شين)

 

[صبا الكادي]

لا أسمع


نحيب بكاءها وهي تقول:

عمري راح وصرت 32 سنة وأنا بعد ماتزوجت يعني شسوي بعمري مايكفي اللي راح ودهم يضيعون اللي بقى منه

مليت حالي ووضعي بين اربع جدران يومي مثل امسي مثل بكرة للأسف أخاف الحرام ولا أرضاه لنفسي ولأمي(الله يرحمها ويجعل عظامها بالجنة)

ولا هم-أخوانها-وربي مايشفي غليلي فيهم إلا أشوفهم منصابين في شرف بناتهم.

كثير اللي يتقدمون لكن كلهم يحقرون منهم أخواني ويرفضونهم.مليت القبيلة والمشيخة احسها مثل السيف على نحر سنيني

مايكفي أني يتيمة الام والاب وربي يحرموني حتى من اللقمة اللي أكالها لكن مافرقت معي الجوع بصبر عليه لكن القهر أكل أجمل سنيني والظلم شوه الفرحة بصدري.

قلت بيجي اللي يطلعني من ظلمهم لكن هم ودهم يذلوني عندهم من دون سبب بس لأني حرمة ولازم تنذل......


بكت وبكت وبكيت حالها والله كثير بيوت فيها بنات انحرموا من الزواج بسب عادات وتقاليد وتعصب قبائل .

هذا بخلاف تحكم بعض الاخوان في اخواتهم خاصة إذا كانوا يتيمات لدرجة يحكمونهم حتى في اكلهم وشربهم ونومهم

مساكين نسوا الجبار المنتقم.........

اللهم يافارج الهم يامن نصرت يوسف من السجن أن تنصرهن على من ظلمهن وتعوضهن خيرا في جنانك وتغنيهن بحلالك عن حرامك يارب العالمين

 

[صبا الكادي]

لا ارى

سيارة وسائق وأنا..مع الأشارة يمين ولازم على طول والوضع اوكيه لكن زحمة واللي يسوق هندي شلون السعودي يخلي

سواق وحرمة يتجاوزونه فعادي يحدونا ونلتزم المسار الأيمن لأجد نفسي عند مخرج (الجبيل) وماسكه خط يا ناس ياهو ودي اروح على طول بيت اختي وش جابني هنا!!!!

احمدالله اني ادل وعرفت ارجع لمكاني لكن كثير نساء يجهلون الخطوط ومتابعة اللوح الارشادية اللي زي قلتها

وفجأة تجد الوحده نفسها بالخط السريع وما غير متابع اللوح...القطيف رأس تنورة الجبيل الكويت شيكاغو مومباي....



ياليت يكون فيه احترام للسيارات الخاصة بالنساء وخاصة إذا هي مظللة واللي فيها محترمات انفسهن البعض ظروفها

تجبرها على السائق.لكن البعض الله يهديه ما فكر لو أن اللي في السيارة ممكن تكون من محارمه

ويقولون سوقوا سيارات حرام بالله كلنا نمسك خط الفلوجة....!!!

 

[صبا الكادي]

لاأتكلم


عن بلدية الدمام وسوء الزفلته فيها وعن كثرة التحويلات وضيق الشوارع مرات يجيني احساس

لو اروح الدوام الصبح يمكن الظهر ماأقدر ارجع لبيتنا لعدم وجود طريق سالك له.

مرة قلت لزميلتي في العمل بعد مامريت عليه في الصبح احس بعض الحفريات نذالة وش الهدف


منها مدري وربي لو يبنون مدينة تحت الارض كان قضوا وانتهينا وبعدها سكت لأن طحنا في مطب


قوي.قلت للسواق:ماتنتبه...قال: كله شارع خربان.


عاااااااااااااادي انت في شوارع الدمام الغالية. والسيارة رأس كل شهر بالورشة والراتب بحوله


على بلدية الدمام فزعة منا لهم.بدل مانطالبهم بتأمين على السيارات .

 

[صبا الكادي]

بالحبر السري


مركز الشرطة (بحي.....)


فيه يتم تجميع الخادمات الهاربات ليتم ترحيلهم بعد ذلك على مكتب التسول


اذكر تلك الحادثة...عندما هربت خادمتنا وكنا نذهب لهم لعل تم القبض عليها


اذكر عندما خرج اخي من عندهم غاضبا متوعدا..


سالته:خير وش فيك..


قال: هذولا مو بصاحين من أسبوع شفت عندهم خادمة صغيرة في السن وقلت لهم ليش هي هنا قالوا بكرة الصبح نرسلها.وعديتها لهم.


لكن اجي الحين بعد مامر اسبوع والقى نفس الخادمة!!!!!!!!!!!!


ماقلت شي سكت.بس تألمت كثير ...............................أنتهى


لا نستطيع ان نظلمها ونحكم عليها ولكن استطيع ان الومهم وكيف يرضون بمثل هذا الحال


لأنفسهم ومركزهم اليسو حماة الوطن....إذا ما السر في بقائها؟؟؟؟


وإن كان برغبتها فتلك مصيبة وأين هم من مخافة الله..


وإذ لم تكن برغبتها فالمصيبة أعظم يعني ظلم واعتداء واستخدام السلطة بما يخالف الصواب


شيء مؤسف.....ومخــــــــــــــــــــــــــــــزي حقاً.

 

[صبا الكادي]

لا أقتنع


فانتِ معلمة سعودية لحقتها لعنة الوظيفة والسعودة في وطني الكبييييييييييييير واااااجد.


يعني تقبلي السفر البعيد وترك الأهل أو الزوج والأبناء وتحملي والله يرحمك لو تعرضتي لحادث اودى بحياتك


يعني كوني صبورة وتحملي عناء نظام التعاقد ويكفي ويخب عليك الراتب بعد فلا تطالبين بتقيم آداء وظيفي


فأنت مجرد(سبير)

يعني لو يكرفك القطاع الخاص لحد ماتطلع رحيتك احمدي ربك وراتبك وراتب الخادمة واحدة


صح انت تخرجين وتنتجين اجيال تخدم وطنك الكبييييير واااجد بس حدك هالراتب دون التمتع بأي


مميزات حكومية من نظام مكتب العمل والعمال.ترىحتى الخادمة تربي عيالنا وتخرج اجيال


(إحدى الزميلات حينما سمعت بإرتفاع رواتب الخادمات الفلبينيات قالت؛افكر اطلع الفلبين واجيكم


مناك شغالة وترى بكشخ عليكم),,,,,,,,,,,,,,,,,,انتهى