يا مطره

[عبدالله الراشد]

ملل هذا القهر يمه تعبت أروح وألمه
........................................ تعبت أعدها جروحي ونفسي تحلم بكتمان
إذا قلت الأسى قالوا بلاك انه على الذمة
........................................ يايمه ليه ما ادري قساوة وقتي والحرمان
أحاول ضيقتي تكبر أبي اسمي على فمه
........................................ أبيه يحس وش فيني وليلي ينتظر ضميان
أدور وين ما يرحل خذا قلبي ولا همه
....................................... يباريني على الهوجاس يجافي تايه فرحان
اجيه بودي الصافي يصد واسكن بدمه
....................................... اعزي وقتي بقلبه وامني نفسي بالسلوان
ضناك اليوم يا "مطره" يبوس الكف ويشمه
......................................... يعزك قد مايقدر ولا ينكس مع الخذلان
يباهيبك شموخ الرأس ياتاج الخلق يايمه
..................................... وش الخيره ملاني شوق أنا هيمان أنا هيمان
ينام الرمش بعيونه وكل الحسن هو عمه
.................................... .. جنون الوصل بحضوره أبيع الليل للأشجان
يطير السرب وأحزاني معاه تطير ملتمه
..................................... غدا حلمي أشوفه بس وأحس إني معه إنسان
مهم القرب يا قلبي وخلك مالفا يمه
........................................ يا يـمه حيلتي وياه يا يمه حيل أنا شفقان