[ ، و ترْحَل ..! ]

[عبدالله العويمر]

:


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

وترحل تحسبني لارحلت اقدر على النسيان !=وانا اللي لاطرا طاري رحيلك ضعت بشتاتي
دخيلك ،،بسألك لارحت منهو فيننا الخسران=أنا والاّ انت ؟،،جاوب قبل ماتكتب بي آهاتي
أنا اللي من عرفتك والسما قوس ، وغلاك الوان=وأرضي تعزف اهزوجة فرح لاجتْك خطواتي
وصوتك غيمة ٍ أحيت جفافي ، والوصل هتّان=وحزن عمري يموت بضحكتك ياكل بسماتي
تعرف انك غلاي وراحتي ، وان التعب لابان=يموت ان جيتلك ياللي هواك اجمل حكاياتي
وتعرف اني على بساط انتظاري أجمع الأحزان=واكبّلها اذا وصلك اخذني من متاهاتي
انا من قبل اعرفك مالقيت لهالعمر عنوان=سوى : حزن وأمل ضايع ،ويأسي هو مداراتي
أنا من قبل اعرفك كنت اقول ان الغلا حقران=واقول ان الهوى كذبه ،،قناعاتي كما الآتي :
قليل اللي صدق ،،واللي يخون بهالزمن كسبان=كثير اللي يمرون ،،وقِناعاتي قناعاتي
وجيت انت وعرفت اني بحكمي كنت انا الغلطان=وصرت انت القناعات ،،وحنيني إتجاهاتي
دخيلك ،،مابقى فيني شعور ٍ يحتمل خذلان=دخيلك لاتخليني أسير ليأس راياتي
أنا مدري عن اللي لي تشيل بداخل الوجدان=شعور بحب ،أو رغبة تشمّت بانكساراتي
وكل اللي ابي تعرف: انا مااقدر على النسيان=لأني جيت لك كلي ،،وصعب آعيش بشتاتي [/poem]

 

[جُمان]

عبد الله العويمر ..

هكذا أنتَ دائما ..
لا تُعترفُ بالتواريخ ../ ولا البدايات
ولا تُؤمِن بجدولةِ الأيامِ بالاسماء
تَحتَرِفُ إشعال الفوضى فينا وتُعيد ترتيبها من جديد ../ وكما تُحب
مجنون حرفٍ ..
تستلُّ ضِلعَك وتعزِف بِه مَقطوعة الدهشةِ على أسماعِنا

[ وترحل ]
زَمنٌ مِن شعر مداهُ السماء وحدوده أصابِعُك

شُكراً بلا حد

.

.

 

[عبدالله بن زنان]

عبدالله ..



روح مضيئة وشعر راقي


دمت مميزا


كل الحب ،،

 

[قايـد الحربي]

عبدالله العويمر
ـــــــــــــــ
* * *


أتْقَنْتَ الحضُورَ بمَنْ أتْقَنَ الرّحيْل ..
العُنوَانُ : أغنِيَة وَ شَعْر ،
وَ قصيْدَتكَ عُنْوانٌ لأغَانِ الِشّعْر .

:

لِتَرْحَلْ ، أمّا أنتَ لا تَرْحَلْ .

شكراً يَا أبَا عَبدالْعزِيزْ .

 

[ناصر بن حسين]

/
\

دخيلك مابقى فيني شعورٍ يحتمل خذلان
دخيلك مابقى فيني شعورٍ يحتمل خذلان
دخيلك مابقى فيني شعورٍ يحتمل خذلان

عبدالله العويمر



يااااه
مالذي تنويه بنا !!








نَ

 

[حسين الحوالي]

عبدالله العويمر ..





وصباح .. آخاذ .. من العذوبه
رغم الوجع ..!

حروفك هنا .. تراصفت بإنسياب ..
وكتبتك .. غامضا ً بكل شيء ..
إلا الصدق ..

انساحت مع حروفك الروح ..
لأكتشفني في نهاية النص .. مشدوها ً ..
بك .. و .. بإحساسك .. العذب

جميل ياعبدالله .. جميل جدا ً .. هذا المتصفح ..
فلاتحرمنا .. منك .. طويلا ً

سأكتفي وأختم التعقيب .. بـ بيتك المتماهي آلقا ً هنا :

[poem="font="simplified arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قليل اللي صدق ،،واللي يخون بهالزمن كسبـان = كثيـر اللـي يمـرون ،،وقِناعاتـي قناعاتـي[/poem]

صح قلبك ..


دمت حاضرا ً .. لـ تحضر الذائقه

و ..


دمت بخير ,,


















ح . ح . ح

 

[خالد شجاع]

عبدالله العويمر
أوّل شي نبدا في كلمة:
وترحل ... أحس انّك سكتّ بعدها شوي
بعدين قلت وبسرعه كذا ودّك إنه يسمعها قبل يروح:
انا من قبل اعرفك مالقيـت لهالعمـر عنـوان
....سوى : حزن وأمل ضايع ،ويأسي هو مداراتـي
أنا من قبل اعرفك كنت اقول ان الغـلا حقـران
....واقول ان الهوى كذبه ،،قناعاتي كمـا الآتـي :
قليل اللي صدق ،،واللي يخون بهالزمن كسبـان
....كثيـر اللـي يمـرون ،،وقِناعاتـي قناعاتـي
وجيت انت وعرفت اني بحكمي كنت انا الغلطان
....وصرت انت القناعـات ،،وحنينـي إتجاهاتـي
..........
وهنا عاد إن ما سمع الكلام ورجع يا شيخ إنسى أبوه وفداك :
دخيلك ،،مابقى فيني شعـور ٍ يحتمـل خـذلان
....دخيلـك لاتخلينـي أسيـر لـيـأس رايـاتـي
..........
وهنا والله حجّرت له ما له حلّ :
وكل اللي ابي تعرف: انا مااقدر على النسيـان
....لأني جيت لك كلي ،،وصعب آعيـش بشتاتـي
..........
أخيراً يا أنيق :
هذي تحتاج شيله رايقه بصوتك الرائع
صدّقني بتكون مسكّته
موفّق يا عبدالله

 

[محمد السالم]

عبدالله أسمح لي

لم أستوعب الدرس بمافيه الكفاية

مثل هذا الدرس يجب علي قراته بالجوارح كافة دون استثناه مع السيد الأحساس

راجع لك بحول الله بل لا تبرح المكان