ارتجت معــــــاي

[مشعل العبار]

قديمه نوعا ما كتبت قبل مايقارب 4 سنوات ولكن للتواصل

[poem="font="traditional arabic,5,blue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]دزيت من عقب العمل .. والشمس غايب ليتها=من حر مابي من هموم الضيق.. مدري رحت وين؟
ساري.. وساحب والد الطلبون.. من دقيتها= ماغير احسّب في نجوم الليل.. والجرح الدفين
عز الله اني كل ما ارتجت معــــــاي... اعطيتها=وشلون ابرحمها ونا قلبي من الرحمه سجين
والله مادري عن مكينتها.. ولا اذكر زيتها=ووالله ماتبرد.. ولو تاصل حرارتها ....لوين؟
ادعس على الصاجه.. واحس الخط.. واذكر بيتها=الجادل اللي بيتها لاجاك ياتي لك ثمين
بقول لك منها واخبر اني بعد غنيتها= " لك يوم يامشعل تناساني ..ولوهو بعد حين"
"لو هو بكيفي طلبتك ياخوي.. مارديتها"=" الله رماني كونك بقلبي.. وبر الوالدين"
من عقب مامرت سنه مريت اناظر بيتها=واشبح على شباك غرفتها.. واقول الله يعين
كانت.. ولا ياليت ما كانت.. ولا مّريتها=ولاجيت حارتها.. ولا لفيت بالشارع.. يمين
عزالله اني كل ماحاولت واتناسيتها= قمت اتذكرها واجمّع صبرها... لكن منين؟
كنت اتحكّم في مشاعرها واذا بكّيتها=ارجع وارضيّها وابكيّها واناديها اشتبين؟
كنت انتظر كيف اتلاقاها ولا لاقيتها=من عقب مكسبها رجعت ومكسبي "خفيّ حنين"
حسبي على اللي بالملازم خانني واغليتها= كنت انتخي قلبي واثر قلبي مسوي لي كمين
وشلون ابنساها ونا دميّ يفز الصيتها=والله مانساها واخون ابها.. بعد عشره اسنين
عزالله اني لا سرحت بداخلي ناديتها=وعزالله اني لو تظاهرت الفرح قلبي حزين
وعزالله اني كنت اوصيّها ولا وصيتها=وعزالله اني كنت اوآعدها.. واقول الها.. تجين
ياوجد روحي ياشقا جوفي على تفليتها= لاوا وجودي وجد من طيره كسا قلبه حنين
راحت اسنين اول ونا لاجيت لازم جيتها=واليوم مالي غير اراجع ذكرياتي فالسنين
الله ياكم كلمه في داخلي كنيتها=والله ياكم ضيقتن تعزف على الفرقا انين
والله ياكم ونتن في خاطري جريتها=والله ياكم حسرتن في داخلي عيت تلين
الله ياكم وجعتن في مامضى خفيتها=عدنان مادري صبري اللي ضقت به يجلس الوين
الديره اللي عشت فيها بس ماحبيتها= حبيتها من شانها.. والحين مادري ..هي المين
والحين مدري وين ديرتها وخابر بيتها=ولا لي جدا فيها سوى لاقلت ياربي تعين[/poem]

 

[صالح العرجان]

ساري وساحب والد الطبلون من دقيتها
........................ ما غير احسب في نجوم الليل والجرح الدفين



مشعل عبدالله العبار

كم مره ومره قاسمتك نفس الشعور بإختلاف الزمن والوجهه

صح لسانك وفكرك

 

[خلف المهيلان]

مشعل العبارهلاوغلا
فيك شهادتي فيك مجروحه
مبدع كل عام وانت بخير

سلم لي عليك

 

[مشعل العبار]

العرجان

انتبه للسرعه مو كل مره تسلم الجره

صح بدنك ولاهنت

 

[مشعل العبار]

خلف حياك الله

الف شكر على حضورك

 

[خالد شجاع]

مشعل العبار
هنا أنت اختصرت الكثير
البيت هذا شعر حقيقي
الديره اللـي عشـت فيهـا بـس ماحبيتهـا
....حبيتها من شانها.. والحين مادري ..هـي الميـن
يستاهل التصفيق من متلقي الشعر ..
وهنا ما لك حيله بقلبك يا مشعل :
حسبي على اللـي بالمـلازم خاننـي واغليتهـا
....كنت انتخي قلبي واثر قلبي مسوي لـي كميـن
جزل يا مشعل

 

[حسين الحوالي]

مشعل العبار ..






نص قديم .. آتى ليجدد ذائقتنا ..
ونحن نقرأك من جديد ..

أنا متأكد أنك قرأت النص قبل طرحه .. يامشعل
وجدد بك لحظات قديمه ..
جعلتك تطرحه لنشاركك الأحاسيس ..
فـ كأننا عشنا معك نفس اللحظه .. قبل السنين الأربع



[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وشلون ابنساهـا ونـا دمـيّ يفـز لصيتهـا = والله مانساها واخون ابها.. بعد عِشـرة سنيـن
عـزالله انـي لا سرحـت بداخلـي .. ناديتهـا = وعزالله اني لو تظاهرت الفـرح قلبـي [ حزيـن ] ..! [/poem]



صح قلبك .. على هذا النص .. الآثير .. والمؤثر ..
فعلا ً إسمتعت بقرائتك .. وإختزال الوقت
داخل إطار المشاعر .. الصادقه

دمت حاضرا ً ..

و ..

دمت بخير ,,


















ح . ح . ح