ـأبتنفسكـ ... آوينـي ..

[لوعة الشوق]

تبعثرني عطر وأتنفسك ولهى
وأجي لك كالمطر ويبشّر حضوري ..

أيا وينك ..!
تعبت بطولة سنينكـ ..!
وأحبك لو غدى عمري
عمر يُشعل بقنديلكـ ..!

^
^
تعال إقبل هنا مَحياكـ
عروق القلب بتدينكـ ..!

،
،
وأنا أتنفسكـ ..!

يخالجني شعور إنك علي أقرب من أنفاسي ..!
وأدور من حنيني ضي عشان أشوف كرّاسي ..!


وأرفع بالمدى صوتي ..
وأجي اكتبكـ ..!

تعال وطيّب الهقوه مدام الشوق ماجابكـ
تعال وشوف يالغالي غيابك وش عمل فيني .؟

.

تعال أرجوك لاتسأل وش اللي صار بسبابكـ
(حنين الشوق) صرّخ بي يدور لك عناويني

.

أموت أموت من غيرك وإلا من شفتك أحيابكـ
وأبعثر لك شقا عمري وغلاي وأجمل سنيني

.

ثواني من عنا بُعدك تجيب الياس بركابكـ
وتزرعني ورق أصفر، وتعصف بي وتنهيني

.

"ياورد القلب" ياعشبه" خضارك ثمّل أحبابكـ
"يانور العين" يامبسم" تنفس به شرايني

.

("أنا أحبك أنا أحبك وأحب الأرض وترابكـ")
("وأحب أهلك علشانك ولا أدري يالغلا ويني")

.

من أول (ياحبيب العمر) أنا أحلم فيك وأزهابكـ
من أول كل حرفٍ لك كتبته في دواويني

.

يا أصدق عشق أنا عشته سبق يدي على بابكـ
فتح لي جنةٍ خضراء زرع أروع بساتيني

.

شذى عطرك تنفسته على صدرك على ثيابكـ
ولو هو زال من صدري بقا في راحه إيديني

.

أحط إيدي على يدّك أصابعنا وتتشابكـ
وأحس "بلمستك رجفه" "ونظره ود ترويني"

.

حبيبي شلون لامن غبت أرد إيدي عن عتابكـ ..؟
ودمع العين يكتبني قبل أكتبك أنا فيني

.

حبيبي قلّي بربك جنون العشق ماصابكـ .؟
وأنا اللي صابني كلّي وكل العشق يكويني

.

جنوني يالغلا تدري إلا من طول غيابكـ
أخاف الوقت من عمرك يبيع ويشتري فيني

.

ترى الصدمات في عمري كثر ماشوف أسرابكـ
وأنا أتلمسك في صدري يانبضة حُب تشفيني

.

أحس الجمر تنهيده ، تزيد وينفتح بابكـ
يفوح العود من دمك ، ـأبتنفسك آويـني

.

كتبتك في حياتي عمر/ وأنا الصفحات بـ كتابكـ
كتبتك وإنتثر معنى يشكّل لوعة سنيني

.

تصدق يا (غلا ذاتي ) عجز هالحرف يرتابكـ
من أكثر من ثلاث شهور لين اليوم مشقيني

.

أدوّن وأمسح وأكتب وأرد اتشممّ ثيابكـ
لعل بريحتك أقدر أخفف شوق يطويني

.

ياعشقٍ ماعرف قدره تعال وقول وش جابكـ .؟!
لعل الشوق ساقك لي / مريضٍ فيك داويني

.

تعال إلحق علي تكفى وشوف اشصار بسبابكـ
نثرت ابإنتظارك روح وكل الحب يكويني

.


تعال إلحق علي تكفى وشوف إشصار بسبابكـ
نثرت ابإنتظارك روح وكل الحب يكويني

.
.
.




لكـمـ كل الأحترامـ
لوعة الشوق

 

[أكرم التلاوي]

لوعة الشوق

وكأني بهذا النص يحمل مـُسماك ِ ومـُعرفك ِ من أول شطر إلى آخر شطر , فقد كانت لوعة الشوق حاضره بين درر هذا النص الجميل بإحساسك .


صح قلبك ولا هنت ِ

 

[ناصر حطاب الدهمشي]

للشعر معك ِ هيبة يا لوعة الشوق
شاعرة إستثنائيّة بحق ..
شكراً يا شعر
.
.
ناصر الدهمشي

 

[فرج صباح]

لــوعة الشـــوق :

تعظيم سلااااام هنا يقف شـــعر حقيقى



خسارتى فادحه : لأول مره اقرأ لك //اغرق بك

شكرا : نيابة عن الشعر الحقيقى

 

[قايـد الحربي]

لوعة الشوق
ــــــــــــ
* * *



أرحبُ بك ..

و أشكر حضوراً يليق بالشعر و لا يليق به غيره ،
قصيدةٌ عابقة الحسّ كـ باقة .

كل الترحيب .

 

[ناصر بن حسين]

/
\





خامس المتجمهرين

 

[منتهى القريش]

أحببت هذا المتصفح كثيرا ..

شكرا لهذا الكم المدهش من الشعر ..

ود وورد

 

[جُمان]

لوعة الشُّوق ..

تُرتّبين الجمال كما ينبغي أن يكون
نصٌّ مُكتظ الاحساس والعذوبة

شُكراً لكٍ / عليكِ

.
.