~~ سلطنة وافي .. غناوي مااء / رحلة من غياب ..! ~~

[عبدالله بن زنان]

.
.

.


أحبتي

بعض من نبض ..
لكم ولـ أبعاد فقط



.
.


في تمام الساعة الثكلى ..
بـ عزّ الشمس والحاضر ظلام ..
خصر المدينة يرقص اللاحلم
كله سلم ..
يتماهى جدل وسط الحزام ..!

رقصة حزن
فيها مزن
فيها خيوط السجن ..
تـ نسج من تفاصيل العتب
أكفان لـ عيون الحقايق .. وابتهالات الحمام ..!

لاجديد وثورة الشمس الغبية
راكدة بين الضلوع
تهيم بآمال الرجال
وأم تتهيّل ألم
واطفال تتخدر قلم ..
وتعيش ترويض الهديل العذب من فمّ السواد ..
ويحتفل عنف اللثام ..!

ياغرير النبض
هذا العرض ..
معناه المدى أرض وسلام ..!

لاتذوب الوانك البيضا
ولوحة عمرك أمست شخبطة أحلام ..
لمّ احزان
واقرّ الوان
وانفضها مع صمت الغبار ..
ورجّع الدنيا صغيرة في عيونك
في عيون الما ..
إذا وجدّ السنابل صاح بعيون الكلااام ..!

لاتنام وليلة البارح
فضا جارح ..
وضي اللول باحضانك
يلم ّ انفاس صبحك
يهدي الليل " الغريب "
ويرجع لغيم السؤال
ولا إجابه من محال
وكل تعريف الوطن
دمعه على بيض الحنايا
جفت بديم الشظايا
والسنين أبكار ..
تنفضّ ابرماح الذل
لاغطى وشاح الصبر
فوح النهر
وارتاح الجفاف المرّ
في حلق المدينه " يأس " ..
.. واحتال الغمام ..!




يارحيل النور / محدن ودعك
في غيابك .. فقد واشباح العنَا

كلهم ناسين .. لوعة مدمعك
كلهم غافين / ثوار " الأنا "

في عيون الطفل .. ودي أطبعك
وفي عيون الشيخ / كم باقي سنا ؟

ساعة التاريخ .. غصب ترجعك
وساعة الأوطان .. عقربها دنا

لاتلوم الريح / يوم توزعك
بعثرة خاطرك : تعريف البنا ..

ياوطن / مهما أعيش " آجمعك "
غصنك الأحلام / واوراقك أنا ..!




ياعزيز النفس يا طهر المسافه يا أراضي من عفاف .. فيك العذوبة والعذاب من الصهيل .. ولاحصيل / إلا شموخ الأنتظار بغربتك .. ترسم أمل .. جرح اكتمل .. ملحه رذاذ الصبر وارواقه على باب الخريف المرّ .. تتهادى أنين .. يهدي الشارع غطا .. صبر وعطا .. يعني جموح الدمع .. في ليلة مطر .. فيها الثواني صمت .. واضواء المدينة خافتة حمّى انفصام .. وصبح ماحوله رفيف ولا رصيف نمر فيه إلا عطيناه العروق .. القوت / أنواء الفصول .. وقصة الغربة على سيف المغول الأحدث الأقدم .. ودرع عيوننا .. غفوة بلادة ماكست بعض الوجيه .. إلا الرخامة / من رخام القصر / والخادم وطن / واحنا السنين ..!




آآه ياحمّى التراب
لا غدير ولا سراب ..!
سلطنة وافي .. غناوي مااء / رحلة من غياب ..!
والرجا كل الرجا
تمطر على الأنفاس " خط الرجعة "
اللي ماعرف درب الهزيمة في تراتيل السحاب ..!
ياوطن حَنّ الكفوف ..
وحِنّ ..
لاجل الظنّ / يكتب لك وصاية ليل في عرف الذئاب ..!

للهزيمة ألف باب ..
ولإنتصارك باب واحد
فيه جاحد
فيه خمرة حلم / واطياف وسنا ..
فيه المدينة تكتب الإنسان
لا إحسان .. وجنودك فنا ..
وانت المذيل في خطاب اليأس والحبر الشباب ..!

لاغروب ولا عتاب ..
لاجمرّ طاغي ..
ولا ضوّ الحنايا / بات شمعه
وانت دمعة ..
تلجم الباقي من الصبر المدون في الكتاب ..!

لاتلمّ الصمت من جوف الهضاب ..
علمّ الناس الوفا
منفاك فيهم
وانت فيهم روعة الماضي ..
ورى شمس الرجوع ..
الماثل بدقن الخطايا والحساب ..!

ياسنود الحظ
يا ميل النصاب
الوسط طفله حزينه
تسكن أطراف المدينة
والتطرف في وسطّها ..
يبني أضواء الغرابه
يجني الجمره
وبالمسرح جنا تمره ..
ولا في رحلته كلمة " ذهاب " ..!

آآه والرحلة ضباب
والسواني صمت
والزرع استتاب ..!
والقرى محدن درى
وش ورى نصل المداين
والقراين
تشرح الآتي ..
وتتمادى تعب / والصبح غااب ..!





في هزيم الجرح / جرح الرعد " حال "
وفي سحاب الوجد / سال الحلم .. وين ؟

مالقيت من العطا .. غير / الجدال
ولا لقيت .. ايد الضيا .. والياسمين

في كفوف الجمر / حنّيت السؤال
والإجابه مااء .. مايروي السجين

يا صقور اليأس / في روس الجبال
لامتى الجنحان مارفّت .. حنين ..!

الحرار .. أجراس / والسقف احتلال
والسنون جنون .. والتاريخ عين ..!

علموني .. كيف تأصيل الضلال
هان .. في خاطر حزين من الحزين

وكيف سمّ الداب .. تسريبه حلال
والحرام الوان .. واللوحة لمين ..؟

ياتراب النور .. ياعذب الوصال
مانسيتك .. لو نساك الغافلين

والله انك في عروقي صبح جال
يهدي ضلوعي أمان .. ويستكين

علّم الفوضى .. تعاويذ الرجال
كيف تكسي الهمّ / فستان السنين

كيف تكتب " حلم " من جود الليال
وكيف تصنع " جزية " الحلم الرصين

لاتعيد لـ " سيرة الما " كيف زال
وكيف جفت من عيونه / دمعتين

هات دمعك / واصنع اللاصنع " فال "
وسمّ غربتنا .. خرافة راحلين

الزمن واقف .. وميزان الهزال
مال بالساعة .. ولا ودّه يلين

الوطن / نصه غرام .. واحتيال
ونصه الثاني / شموع الصابرين

ياحبيب النبض / صوت الإحتمال
لايجف .. وغيمتك حبلى / أنين

ارجف الكون بصهيلك في عدال
العطا ميدان .. والخيل الثمين

هات كفك .. لاسقى الله السؤال
والإجابة هي تراب .. الياسمين ..!




.
.


الســيل
الله يديمك يامطر