أدري مقصر .. لكن العذر من الله ثم منكم ...
رديه بيني وبين الرائع الشاعر علي العتيبي ...
أتمنى تروق لذوائقكم ...
الشاعر علي العتيبي .. يقول :
(( الصداقه ))
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
يارفيق السوء ليتك ماتبارك = عايشٍ بالمكر في ثوب الخديعه
مايغطي ليل محصولك نهارك = انهيار الزيف ميثاق الشريعه
مابزغ نجم المودّه في مدارك = لا ولا في ذمّة الانذال بيعه
كان غاب الوعي من طول انتظارك = اترك الاشرار يامال القطيعه
الصداقه صدق بالصدق نتشارك = وانصهار الغلّ سدّ الحقّ ريعه
الصداقه درع في صدّ المعارك = معول الرجّال في كفّه يطيعه
والحقيقه بالوفاء حدّد مسارك = يكسب المعروف من هذا صنيعه
واطرق ابواب الكرم من باب دارك = شيمة المطنوخ والنخوه طبيعه
مثل ابو نايف ( شهم ) واقصد مبارك = اشهد انّه منهل الخير وتبيعه[/poem]
وهذا ردي المتواضع :
(( الصديق ))
[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يارفيق الحرف والطيبه شعارك=ياعلي نفسك عن الزله رفيعه
يامدلـّـه بالكرم ضيفك وجارك=عادتك دايم وربي فـ الطليعه
تعطي بيمناك ماتدري يسارك=بالمكارم تعطي لنفسك ذريعه
ياعلي وأقسم بمن نزل تبارك =بالصداقه شفت لي أشيا شنيعه
شفت من لاضاق جالك وإستشارك=يوم لاعه من عنا الأيام ليعه
قمت تقضي لازمه يوم إستجارك=وإن قضى لازمـْـه معروفك يبيعه
والصديق إن ماصدق لك وإستخارك=لاتعده راس مال ولا وديعه
الصديق الصح من يحفظ وقارك=لا بغيته ماتضيق إبه الوسيعه
وفالرجال إصحى تسويه إختبارك =تنصدم إلا بعد تفجع فجيعه
ماهو أدنى ياعلي خله شعارك=الزمن لوماأطاعك فأنت طيعه [/poem]
*
مبارك نايف أبوظهير