عربون الصداقه >>> الشعر غايه في غلاكـ أفنيتها

[أحمد العارضي]

بسم الله الرحمن الرحيم
السلام عليكم ورحمة الله وبركاته
يشرفني الإنظمام إليكم في هذا الصرح الشامخ
ويسعدني أن أضع أول مصافحه لكم
وهي قصيده متواضعه جدا أمام ذائقتكم العاليه

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]لبارحه غنيت وأطربت النجوم الساريات=وأستغفر الله لو بقول إن النجوم أغويتها
الشعر نبض قلوب وافكار العقول الشاردات=كم جبت لي فكره وكم فكره بعد وديتها
كايد وأحب الكايده وأعسف ظهور الكايدات=وان جاتني روس الحبال معقده حليتها
يوم الصحايف كنها مثل الوحوش الجايعات=ذبحت من راسي خيار الحيّل وعشيتها
تثنار أفكاري على بيض الصحايف راكضات=واللي ماتمشي بالرضى غصب وجبر مشيتها
طبعي كذا وأنا كذا وأحب عسف العاصيات=كذا كذا نفسي على حب الصعب ضريتها
أنا أدري ان الشعر ماله غير عشر معلقات=وياصغرها لاقلت لي قاله وانا سويتها
بنات فكري مايشابههن على الدنيا بنات=ياكبرهن في سط عيني وين مالديتها
مثل المهار اللي تراكض مقبلات ومدبرات=روضتهن فالساحه الشعريه وهزيتها
هبت على الريح من كل الزوايا والجهات=وشبيت في روس القصايد والفكر كبريتها
نعم نعم ماقلتها من كبر ولا حب ذات=لاوالله الا من ثقه واللازمه سديتها
شاعر ولي قلب ٍ ثبت مثل الجبال الثابتات=إن جت ثقيله شلتها وأن شلتها حطيتها
أشتت أجموع ٍ غفيره وان بغيت أجمع شتات=والحاجه اليا عفتها خليتها خليتها
ياصاحبي خذ مني اغلى شي في قلبي وهات=بالله لاتذبح عروق القلب عقب احييتها
عطني وانا بعطيك مادام الليالي زايلات=بالله لاتكسر يمين الشوق لامديتها
الشوق يطغى فالحشا دايم كما طغي الطغات=وليتك تحس الحاجه اللي فالحشا حسيتها
ليتك تطالع نظرتي والعين تعطيك الثبات=تقرى دليل الحاجه اللي من غلاك اخفيتها
ياصاحبي ياللي جمعت احلى المزايا والصفات=ماباقي ٍ دمعه بعد فرقاك ماهليتها
جمعت من كل السنين الماضيه والمقبلات=كل الدموع اللي على خد الجفا صبيتها
ماهي دموع ٍ زرق من موق العيون الشاحبات=لا والله الا دمعة ٍ بالحبر لك خطيتها
كل القصايد في غيابك شاكيات ٍ باكيات=ولا ّ دموع العين عن كل العرب كنيتها
وان جاتني عبرة حزن قلت الله الله يالسكات=خليتها في خاطري وان روحت مشيتها
ياصاحبي راحت بيوت الشعر في وصفك وجات=اليا طفت نار الشعر جمّعتك وشبيتها
علمتني كيف احتزم بالشعر لافات الفوات=وعلمتك إن الشعر غايه في غلاك أفنيتها
أصدر الفكره وأوردها كبر ضلع السرات=ياوجد حالي كل مابعد العصر غنيتها
وياوجد حالي كل مايحرمني الليل السبات=كن السما تفتل سدايلها وانا قضيتها
صحيح انا قاسي ولكن الليالي قاسيات=وانته الذي سقت الليالي ضدي وقسيتها
ياترجع وتطلق سجين همومك ومافات مات=يا قلت يرحمك الله ونفسي لكم عزيتها[/poem]

 

[جُمان]

أحمد العَارضي ..

مرحباً بِك بيننا في أبعاد ..
وأهلاً وسهلاً بحضور الشعر بـ معيّتك

نصٌّ فائق الحبك ../ يهمس لنا بشعرٍ أجملٍ قادم

شُكراً جزيلاً

.

.

 

[أحمد العارضي]

جُمان

باركـ الله فيكــ

وحضورك يضيف إلا النص جمالاً

ويضفي إلا الصفحة إشراقاً

شكرا لكـ

 

[قايـد الحربي]

أحمد العارضي
ـــــــــــ
* * *


يطيب الترحيب بك ،
فأهلاً و سهلاً بانضمامك و غمامك .

عربون الصداقة : موزن اللباقة
يُعطّر الشعر و يُمطر بالشعور .

:

شكراً لك كثيراً .

 

[أكرم التلاوي]

أحمد العارضي

أهلا ً ومرحبا ً بك أخا ً وصديقا ً في أبعاد النور
مصافحه أولى تبشرنا بقدوم شاعر جميل
نفس شعري طويل وأبيات أنيقه كحضورك الأنيق
لك ودي وتقديري

 

[ناصر حطاب الدهمشي]

بكل أمانة القصيد المكتوب هُنا ..قصيد شاهق ومنضود كسبائك الذهب ..

(( قصيدة فاخرة .. تم حفظها بالمفضلة ))

المبدع : أحمد العارضي

أهلا ً وسهلا ً بك بأبعاد الفكر ..شاعر متمكن بحق .

أخوك
0
0
ناصر الدهمشي

 

[كايف الظويفري]

المشاركة الأصلية كتبت بواسطة أحمد العارضي

بسم الله الرحمن الرحيم
السلام عليكم ورحمة الله وبركاته
يشرفني الإنظمام إليكم في هذا الصرح الشامخ
ويسعدني أن أضع أول مصافحه لكم
وهي قصيده متواضعه جدا أمام ذائقتكم العاليه

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]لبارحه غنيت وأطربت النجوم الساريات=وأستغفر الله لو بقول إن النجوم أغويتها
الشعر نبض قلوب وافكار العقول الشاردات=كم جبت لي فكره وكم فكره بعد وديتها
كايد وأحب الكايده وأعسف ظهور الكايدات=وان جاتني روس الحبال معقده حليتها
يوم الصحايف كنها مثل الوحوش الجايعات=ذبحت من راسي خيار الحيّل وعشيتها
تثنار أفكاري على بيض الصحايف راكضات=واللي ماتمشي بالرضى غصب وجبر مشيتها
طبعي كذا وأنا كذا وأحب عسف العاصيات=كذا كذا نفسي على حب الصعب ضريتها
أنا أدري ان الشعر ماله غير عشر معلقات=وياصغرها لاقلت لي قاله وانا سويتها
بنات فكري مايشابههن على الدنيا بنات=ياكبرهن في سط عيني وين مالديتها
مثل المهار اللي تراكض مقبلات ومدبرات=روضتهن فالساحه الشعريه وهزيتها
هبت على الريح من كل الزوايا والجهات=وشبيت في روس القصايد والفكر كبريتها
نعم نعم ماقلتها من كبر ولا حب ذات=لاوالله الا من ثقه واللازمه سديتها
شاعر ولي قلب ٍ ثبت مثل الجبال الثابتات=إن جت ثقيله شلتها وأن شلتها حطيتها
أشتت أجموع ٍ غفيره وان بغيت أجمع شتات=والحاجه اليا عفتها خليتها خليتها
ياصاحبي خذ مني اغلى شي في قلبي وهات=بالله لاتذبح عروق القلب عقب احييتها
عطني وانا بعطيك مادام الليالي زايلات=بالله لاتكسر يمين الشوق لامديتها
الشوق يطغى فالحشا دايم كما طغي الطغات=وليتك تحس الحاجه اللي فالحشا حسيتها
ليتك تطالع نظرتي والعين تعطيك الثبات=تقرى دليل الحاجه اللي من غلاك اخفيتها
ياصاحبي ياللي جمعت احلى المزايا والصفات=ماباقي ٍ دمعه بعد فرقاك ماهليتها
جمعت من كل السنين الماضيه والمقبلات=كل الدموع اللي على خد الجفا صبيتها
ماهي دموع ٍ زرق من موق العيون الشاحبات=لا والله الا دمعة ٍ بالحبر لك خطيتها
كل القصايد في غيابك شاكيات ٍ باكيات=ولا ّ دموع العين عن كل العرب كنيتها
وان جاتني عبرة حزن قلت الله الله يالسكات=خليتها في خاطري وان روحت مشيتها
ياصاحبي راحت بيوت الشعر في وصفك وجات=اليا طفت نار الشعر جمّعتك وشبيتها
علمتني كيف احتزم بالشعر لافات الفوات=وعلمتك إن الشعر غايه في غلاك أفنيتها
أصدر الفكره وأوردها كبر ضلع السرات=ياوجد حالي كل مابعد العصر غنيتها
وياوجد حالي كل مايحرمني الليل السبات=كن السما تفتل سدايلها وانا قضيتها
صحيح انا قاسي ولكن الليالي قاسيات=وانته الذي سقت الليالي ضدي وقسيتها
ياترجع وتطلق سجين همومك ومافات مات=يا قلت يرحمك الله ونفسي لكم عزيتها[/poem]

احمد العارضي

وش اقول وويش اخلي

دمت جزل ودمت مبدع ودمت معجزه

صح لسانك على هذه الفاخره والفارهه

ابدعت جدا في حبكها وسبكها

ولم نشبع من قرائتها

لاهنت اخوي احمد

تقبل ودي

 

[أحمد العارضي]

قايد الحربي

باركـ الله فيــــك

وشاكر لك مرورك الجميل

تحياتي