[center]
/
..
[poem="font="simplified arabic,4,teal,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]طفت شمعة أمل ليلي وخيّم واقـع الديجـور=وبانت هالة الهـمّ الثّقيـل اللـي يجاهدنـي
أنا للشعر في دمّي مباني شاهقـه وجسـور=وخيل مسرجاتْ وحمحمة غيـره توعّدنـي
شجر واغصان ملتفّه تعمّق داخلـي بجـذور=وغيمه بالندى حبلـى إذا ضاقـت تواردنـي
واذا بانت على وجهي مخايل بارقات غرور=عبث طفلة شراييني علـى نّفْيـه تساعدنـي
واذا نور الأمل غايب وخانتني بنات النـور=حضنّي طيف ياتي بالحلـم يمّـي ويسندنـي
وهبني في دياجيري قبس شتّت ظلام الجور=وتَرجَم مفـرداتٍ غامضـه منّـه تواردنـي
غرز إبرة صفا النّيه بساعد يلتحف بطهـور=سِتَر بين الحنايـا سالفـة ذكـرى تجنّدنـي
أشوفه بين أجفان النواعس كايـن ٍ بشعـور=يمدّ الرّاح لاجيتـه وصـوت الهـمّ فنّدنـي
يطبطب حلمي الباكي ويجبر خاطر ٍ مكسور=ويرسم بالمنى لوحه ولـو حظـي يعاندنـي
[/poem]
دعواتي
/