يخرب بيت هالعيشه ( يا أكرم التلاوي )

[بدرالموسى]

قرأت كما قرأ أغلبكم قصيدة الشاعر
اكرم التلاوي ( معك فكّه ؟ )
وقد إستفزني هذا النص الإنسائي المُحزن
قرأتها مرات عده ومع آخر قراءة
كانت هذه الوقفه
أتمنى أن تنال رضاكم وقبولكم
والشكر من قبل ومن بعد للإنسان أكرم التلاوي

تبي فكّه ؟
تبي تطعم بها عيالك ؟
أبيك شوي تسمعني
أبيك تعيش موالي
بعد ما عشت موالك
تعال اسمع صدى صوتي
وإسمع صرخة سكوتي
تراني بجيبيه من مده
ولا يدري أبد عني
كفوف الذل ممتده
وهو عايش ومتهني
وسط جيبه ولا يدري
باني بوسط تابوتي
هنا موتي هنا موتي
أبي أشكي
حزينه بكل ما قلته
أبي أبكي
تراني جعت من جوعك
وعشت الذل بخضوعك
على خدي ترى سالت
دموعي كنها دموعك
ولا أقوى على حاجه
أبي أصرخ
أبي انطق
أبيك وحيل محتاجه
تسمعني في هاللحظه
عسى في يوم نتواجه
تبي فكه ؟
ترى حالك كما حالي
ذليله ما قويت لشي
ولا هالحال راضي به
ويحلالي
طيب يالفقير شلون
شتالي ؟
تبي فكّه ؟
تراهم ما دروا عنك
ولا يطري عليهم جوع
ولا يدرون عن همك
ولا عنك
ولا يشغلهم الموضوع
بكل أصناف مليانه
موائدهم
بكل الارصده زادت
فوائدهم
اذا يطنشون شي عادي
عوايدهم
بعد هذا تبي فكه ؟
وش يعني تبيع النفس
واطفالك
وش يعني يكون الذل
هو حالك
وش يعني بس هالكرسي
يبقالك
وش يعني
وش يعني
يكون الحلم بس تشبع
وتنشد خبزة الرحمه
بعد ما صابتك تخمه
وزاد الفقر من وزنك
وصرت أخف من ريشه
وش يعني تكون اثوابكم
خيشه
وش يعني
يكون لحافكم حزنك
يخرب بيت هالعيشه
وش يعني
علامك رد
تسمعني ؟
أبي أسألك جاوبني
أبي انهي حكايتنا
وش تعرف عن التفاح ؟
اعرف إني ما أعرف
يمكن شي يشبهني
يبي ياكل يبي يشبع
أو يمكن طفل محتاج
أو يمكن دوا كحه
او يمكن يكون علاج
به صحه
أو يمكن رجل عاجز
يمكن كل شي جايز

 

[جُمان]

بعضُ الكَلام يشيخُ ../ ويتجاوزُ الوهن كُلّما مسّهُ طائفُ الوَجع
يأسِرنا حديثُ الأرواحِ المنهكة ../ يُشعِل فينا الألم
ونحترفُ الصّمت حتى لا نصطدِم بالواقع

بدر الموسى ..
غرستَ بِعشرِك نصلاً نافِذاً على صدر الورق
موجِع وربي ..

وشُكراً لِمن حرّضك

.

.

 

[نواف التركي]

بدر الموسى


الصدى عاد ليعيد ترتيبنا من جديد , من نص الأم الأول وحتى هذا النص الإنساني , تتجلى روحك الجميله بكل ما تحمله .

صح قلبك

يا بدر

 

[العـنود ناصر بن حميد]

كنا ننتظر هذا النص
جاء بوجع كبير
ومعايشه صادقة
لك السلام

 

[عبدالله الحجيلان]

صح هذا البوح


بدر لك تحياتي

 

[ريم علي]

بدر
نص انساني
ومواساه حقيقه مألمه

ليت العالم يفطن معنى الجوع والحاجه

شكرا لك بدر
وشكرا لاكرم

 

[علي المحمد]

مؤلم هذا النص يابدر

 

[هـيـفـااللاّفـي]

,’

,’

{.. بدر الأنسان

موجعه حروفك وعذبه

رغم الألم

صح نبضك