العـــواصـــــــــف

[فهد مفلح]

أليكم ذات القافيه في منتصف الشطر ولعلها تشرح نفسها من قرائتها,,,,,


[poem=font="Simplified Arabic,5,chocolate,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اللي تاليه قد بان لي أوله,,,,والله أن أوله ماستر توالية=سالفه ماخذٍ شرّها خيرها قللت قدر من بالحكي قالها
لاهي حب لاهي ود لاهي حتى وله,,,,درب حش العراقيب ولاتنتخيه=مالي في سوهم لابظاعه ولا ثوبٍ اشريه والبسه من مالها
راسيات الجبال ياولد حنشله,,,,ماحدٍ زاحها والثقه تبتغيه=العواصف شديده وقولك غبر والحصى عجّته على من شالها
دام هندست قولك بلا منقله,,,,حدد الزاوية دلني وين فيه=خلني ارسم الرد اوضح واقول أن ابوها يسمي ولا خالها

من تظلل بظل الشجر واسدله,,,,ينتظر لحظة الشمس تشرق تجيه=دام حال أي حال من دوام المحال حالته مستحيله على حالها
ومن بذر بذرته وانبتت سنبله,,,,يحصد اللي جنى ثمرةٍ في يديه=من تعب فزته من عرق عزته باينن طيب نبته على فالها
ومن حذف بيت غيره وهو منزله,,,,من زجاج الله يستر لايسقط عليه=شاف غيره كريمٍ وعيًب عليه وهو عيبه كما بنت مع شالها
نحمداللي موضّح كتاب أنزله,,,,ولاكان رحت فسّرة ماتشتهيه=ياللي تلعب بجمري مابين الحطب لاتحرّك جمر زايد أشعالها
لاتحسب المراجل شنب تفتله,,,,ما كل وجهٍ به اللحية ابنتقيه=الله اللي خلق والله اللي فرق والمراجل تبيّن بفعالها[/poem]

شعر فـــــهد مـــــفلح

 

[ميــرال]

الله عليك الله
في كل بيت حكمه وعبرة
قصيدة تحكي ولن تمر بصمت
صح كلك اخوي
مبدع مبدع
والشعر قليله عظيم بل اعظم

 

[فهد مفلح]

ميرال
لاهنتي
وشاكر مرورك

صح بدنك

تحياتي لك

 

[مسلط الهلالي]

فهد مفلح

كما عهدتك مميز

لك الحب الذي ما انقطع

 

[سامي العمر]

فهد مفلح
وقدرة شعريّة تتجلّى أمنان قريبة جدّا من هذا النصّ
مشاعر تشتعل شعرا
تحيّاتي لك

 

[عادل بدر]

فهد مفلح
شكراً على هذه القصيدة المصنوعة !
شكراً
ش
ك
ر
اً

 

[فهد مفلح]

مسلط

لاهنت على متابعتك وتحياتي لك

وشاكر مرورك

 

[محمد الضويحي]

فهد ... يسعد صباحك


دائما متجدد العطاء