ﺻﺎﻟﻮﻥ ﺃﺑﻌﺎﺩ ﺍﻟﺸﻌﺒﻲ ‏( 1 ‏) ﻣﻦ ﺃنت ... ؟

[تركي المعيني]

،



أنا احساس الهزيمة في ضلوع المنتدى الشعبي
..... بعد " خذلان " مرتادي رحاب رياضه الورفى !
،
" تعشّمهم " قبل " يذبل " وقال لـ غيمهم : صبّي
..... وشحّوا لين ما جفّ ، وتهاوت في فمَه تكفى !

 

[رشا عرابي]

أنا طول الطريق اللّي
عجز يِلقى عتبة الباب!!

ذبلتْ، وخاطري وكلّي
يَبيك.. بلهفة الأحباب~

 

[خالد صالح الحربي]

:
لا تنشديني عن سبب نحف جسمي
.. . يا جاهله بالجوع واللّي يسوّي

صعب الملامح يتعبك حيل رسمي
.. . شوفي ظلامي تستشفين ضوّي

تكفيني الذمّة ويكفيني اسمي
.. . أسمى بهن لو عكّر الفقر جوّي

من هَـ الرغيف يروح ثلثين قسمي
.. . لبطون أشوف الجوع فيها مْتطوّي

لي عزّةٍ مهما دنا الفقر تسمي
.. . يالمترفة ماعاد فيها تروّي.

لبست أنا جوعي و جوعي لبس مي
.. . يا ستّ حِلّي عن عيوني و هوّي

بعيونها تصدق مواعيد وسمي
.. . هي غيمي اللامع على شْفاه نوّي

خليني أحيا واتركي نحف جسمي
.. . قالت : فقير وفوق هذا مهوّي ؟!

 

[رشا عرابي]

أنا، نوتَة لَحِن نَشّز صَداها وعانَد المَقصود
تِهجّا خاطِري المَجبور بين أقواسْ [مُعتلّه]!

تِصفّد في حَواشيها مِن أطفال الغِياب شهود
تِساوى جَدّهم مع لعبَهُم في أرض [مُحتلّه] ~

 

[سعيد الموسى]

أنا .. مااحظر كذا عادي ..
أنا .. في كفّي الغيمه !
إذا .. شعر البشر غادي !
أنا اصنع للشعر " قيمه "