ღ♥ღ مذكرات قلب / قلم ღ♥ღ

[نايف الرحيمي]

اشتاق له واهواه
أكثر من المعقول

اللـَه يا مـَ اغلاه
عقلي معه مذهول

مِن طار به ويّاه
مدري أنا ش اقول

 

[نايف الرحيمي]

ب اعيش دوم ودوم
اشتاق لـه واشتاق

مو حـب يوم ويوم
القلب لـه .. خفاق

حـلاه كوم وكوم
وأهم شي : اخلاق

: )

 

[نايف الرحيمي]

رسالة واردة :

يالرحيمي طوّل الصد وازداد الغياب
لي زمن ماشفت رقمك يدق بهاتفي

ماطلبك حق ٍ ولاني مدوّر للعتاب
بس ليش بغيبتك يارفيقي مكتفي !


:

رسالة صادرة :

للغياب اسباب والنور من فوق السحاب
مرة ٍ يسطع علينا .. ومرة يختفي !!

لو تأمل جزء مني .. بصفحات الكتاب
تنكشف ملامحي من تفاصيل احرفي !!


نايفـ

 

[نايف الرحيمي]

انتي وينك ..
نوّري الكون بجبينك
وانثري العطر بيمينك
وادفئي الروح بحنينك
واقطفي توتك .. وصوتك
واسمعي فيني سكوتك !
واسمحي لي .. يا سمينك !

.

 

[نايف الرحيمي]

انتي يـ أغلى الأمنيات
انتي يا نبض الحياة
يا بعد كل الأسامي
يـ اعذب الشعر .. وكلامي
اجمعي فيني الشتات
وازرعي الربكة ثبات
:
أغرقيني .. ببحر جودك
دام جودك .. في وجودك
بخريني .. وسط مائك
بعثريني.. في هوائك
وامطريني .. من سمائك
ينرسم قلبي : حدودك
وينكتب حلمي : خدودك
وينزرع حبي : ورودك
واقطفيني ..
واقطفي كل شي فيني
جسّدي فيّ : انتمائك
وانتي أدرى بانتمائي
لك محبة .. في دمائي
:
ماسألتي مين أقصد
منهي أغلى الأمنيات
ومين هي نبض الحياة


أنتي يا أحلى البنات




(ن)

 

[نايف الرحيمي]

يا رزينه ..
نايفك .. يحرق عروقه كثر شوقه
بالغلا ينبض خفوقه
بكره اكثر .. تعرفينه ..!!

منـّه اخذي ماتبينه .. من سنينه
من ضيا نظرات عينه

اطلبيه .. اللي تبينه

بس لااشوفك .. حزينه
ياااااا رزينه !


ن

 

[نايف الرحيمي]

مسا البسمة .. مسا النسمة ../.. مسا الروعة .. مسا الأنوار
مسا الشوق .. ومسا الذوق ../.. ومسا الورد .. ومسا الأزهار
مسا الخير .. ومسا الغير ../.. ومسا الطير .. ومسا الأشجار
مسا الغيم .. ومسا الديم ../.. ومسا الدفء .. ومسا الأمطار
مسا البحر .. ومسا السحر ../.. ومسا الطهر .. ومسا الأنهار
مسا الرهفة .. مسا اللهفة ../.. مسا العزف .. ومسا الأوتار

مسا احبك .. مسا اودك

بلا عـد

وبلا حـد

وبلا قـد



وبلا .. مقداااااااااار



ن