علمني الصد ..

[عبدالرحمن الروقي]

اصعب شعور انك تحب ولا تطول
تشوف خلك بس م تقدر تجيه
السيف والعادات من دونه تحول
وعيال عمه واقفه دونه تبيه ..

على شبابيك وصلك تسدلين السكوت
والارصفة مالها غير انتظار الكلام
اخاف الاوراق في غصن المحبة تموت
م ودي تصير عبرة في رصيف الغرام
علمني التيه وش معنى سبات البيوت
وعلمني الصد وش معنات رد السلام ..

 

[عبدالإله المالك]

وقد أراك
"متحديا أمر الشيوخ وشرعة الأعراقِ!"

يا سلام عليك يا عبد الرحمن
شاعرية رقيقة مرهفة

 

[صالحه حسين]

العلاقات بين الناس تحكمها أحياناً العادات والتقاليد وأحياناً الأخلاق والمشاعر ..
صح لسانك اخوي عبدالرحمن
وطاب قلبك يارب

 

[عبدالرحمن الروقي]

ماعاد فينا نتحدى الشيوخ والسلوم
الله يسعد مساك عبدالاله نورت ..

 

[عبدالرحمن الروقي]

حنا محكومين من كل الجهات
مافينا نهس
مساك نور صالحة ..

 

[عبدالله العتيبي]

صح لسانك عبدالرحمن بعدد الإبداع المتراكم هنــا

مودتي ياراقي