هُدوءْ ، و أغنِية و غُربَة !

[الموج]

مُحاولَة أرشيِفيَّة نوعاً ما !
*

و هَذا لِيلْ . .
هُدوء ، و أغنِيَة ، و غُربَة !
وبَعض خُوفٍ
مَن القادَم . .
وهَم ظالمْ !
يجيّ يخْتَالْ . .
تنَاظرَه العَيونْ
وتَرتَعبْ تنْهارْ !
بتَبكي شَلُون . . ?
وهَذا الدّمع فيِها جفّ . .
وتَعب هالقَلبْ أبَد ما خفّ !
وهَم يسْكَن جَدار الرّوحْ . .
وحدَيثْ جَروحْ . .
عَن الليّ كانَوا بهَالليلْ
لَنا أصْحابْ . .
عَن الأحبَابْ . . !
عن الغِّيابْ . . !
يا ليلٍ ودّك بزَفرة . .
وتخنَق هالعَتبْ والآهْ ؟!
يا ليلٍ متعَبْ و مَنهارْ . .
مَن الليّ خانْ ؟!
زَمننا الليّ وقَف بين القُلوبْ ،
ولّا . . . هُم الخُوَّانْ ؟!
يا حَيفْ شُلونْ . .
عَطيناهَمْ عُمر وأكثَر . .
وخلُّونا بلا جَنحانْ !
يا طَيرٍ ما سَمع صُوتيّ . .
تَجي تاخَذنيِ لليّ رَاح ؟
أبيِ بسْ تَرجع أياميّ . .
أبيِ تتلوّن إحلوميِ !
أبيّ هَذا الفَرح يرَجع . .
يَدق بابيّ . .
يغنّي لَي . .
يهْمَسْ للصّباح : " اشْرَق " . .
تجَي نسَابقْها هالأيامْ . .
نَطييرْ بَعيييدْ . .
نمدّ الإيد
نحضَنْ هالسّما ،
ونَبعدْ
يا طَيرٍ راح . .
تَرا مثلكْ . . مثل الـ راحْ !
ندّوّن حَلمنا بقَرطاسْ . .
ونتخّبى ورا ليِل حَزينْ وبِه فراغ ويأسْ !
ونُقول الصَبح ْ . .
يجيّ هالصّبحْ ،
ولا جَايبْ مَعه أصْحاب !!
ولا جايبْ مع شَمسه . . .
أي أحبابْ . .
وتَردّ أيامَنا تبكيّ . .
" يا ليلٍ ما احدْ مثلَك . . يضمّ جَراحَنا ،
ويسْكَت " . .
يا ليلْ وأغنَية وغُربَة . . !
نَبي نبْكيّ . .
إذا مُمكنْ ،
تَهْدوناَ دُموعْ وعَينْ !!



أحْلَام الحمَّاديِ / المُوجْ