موج الفراق

[علي القرني]

المشاركة الأصلية كتبت بواسطة رضا الهاشمي

عن بحر شوقي يا الغلا تسأليني
هايج يداعب شاطي افراقك الموج

الشوق شق ادروب تجتاح فيني
نبضات قلب ن جات لك لهفته فوج

يا نجم تصعد له مطالع حنيني
يوم الطرايق سبعة أضلاعي العوج

زحلق فوادي فوق ثلج الجبيني
وإمشي معه واخدودك الراوية امروج

خذ هالجفا ما عاد تربح سنيني
ما دام شوفك ما صدر منه منتوج

يا خامر الخدين وضح اليديني
يا ذابل الشفتين يا فاقع الروج

إبعد عن الخفاق يا نصب عيني
ابعد بشوفك لأنك لعيني ابروج

واركب على ظهر الغلا يا ضنيني
خيلك غلاي و رعشة الخافق اسروج

والله لو كل العذارى تبيني
ما عاد أبغي لي سوى راوية زوج

كم نفترق لكن عزاي ف يقيني
ما يفترق سكر مع الشاي ممزوج

وقت الجفا تسألني الناس ويني
موجود لكن مختفي داخل إدعوج

واعيونك اللي في نهرها معيني
وأفلاج همسك يوم لك ثغر مفلوج

بمخر بحر لقياك شوقي سفيني
بنصاك لو تملي بحر شوفك اثلوج

الله الله يارضا مبدع وممتع حرفا واحساسا
لله درك

احترامي