Sms بيني وبين الشاعر (خالد العنزي) sms

[سعد مسهوج]

رسالة قصيرة بيني وبين اخوي الكبير والشاعر الكبير الاروع (خالد عبيد العنزي ) ابو يزيد

وها هي بين نواظركم

بعد اذنك يابو يزيد (فخراً لا نشراً )



عدا علي اسبوع ماعده اسبوع
...........................عده سنه لاصار ودك تعده
/
انام في راسي ثلاثين مشروع
......................واقعد والاقي ضيقتي مستعده
/
وش حيله اللي عن هوى النفس ممنوع ؟
........................لاصار وقته والمقادير ضده
/
والحب مايرحم كما الفقر والجوع
..................حده شطير وكم ذبح شخص حده
/
واللي طرحني بالغلا طرح جربوع
.......................حبه طما قلبي كما سيل جده
/
فن كان لك قدره علي حل موضوع
....................رد الجواب /ان كنت تقدر ترده



الشاعر الاروع دائما
خالد عبيد العنزي





جرب يكون إطيار هقواتك طلوع
.................ولا قلت هد القلب من فوق هده
/
ان ما غصبته ما كرب ريشته طوع
..................خلك على ود(ن)على غير وده
/
اما يجي من صدمة الوضع مفجوع
.................والا على (الصياد) طعم الموده
/
يرتاع لوعه ولوعة احساسه تروع
....................مد الصبر للهم وان طال مده
/
للطير حق وحق للصيد مشروع
....................بده على ظول السمينات بده
/
وان ما رجع بالراس والراس مرفوع
................بالك ..تفك الطير والباب سده !!



سعد مسهوج

 

[عبدالله العويمر]

صُوت وصَدى

كِلاكُمَا يُمْسِك ُ بالنّور

مَحَبتي

 

[عبدالإله العنزي]

ممتعين للغاية ..

سعد وخالد ..

وصح لسانك ولسان ابو يزيد ..

 

[سعد مسهوج]

العويمر


هلابك يالغالي

شكرا لك ولحضورك الجميل


حياك الله

 

[عبدالله صلال العساف]

رديه جميله
من شاعرين اجمل
يعطيكم العافيه