رسـائـل لـ لـ يـاسـمـيـنـة

[صالح العرجان]

شجر حي الحبيبة .. ما يبي مـا
يمر ابنا الخريـف ومـا يمـره


وشارعهم .. لو ان الكون ظلما
كأن الشمـس حولـه مستقـرة


ومنزلها .. كأنه غصـن ينمـا
أو ان الغيم مـن سقفـه يجـره


تموت الروح من دونه / ومهمـا
رقـت مـا تاصـلـه لله دره !


وفي حي الحبيبة .. شيخ ٍ اعمى
سألته عن ملاك الحسـن مـرة


تبسّم .. قال : تملك عدة اسمـا
وملبسها خفيـف ومـا تـزره !


يا إن الشيخ يكذب ما هو اعمى !
يا إن الحسن خلا العين حـرة !

 

[صالح العرجان]

سيـد المترفـيـن اعـلـن حلـولـه
جمعتـنـا تـبـوك ومــد يـــده


اقبـل اقبـل تقـل مـهـر ٍ جفـولـة
ثـم سلـم وهـو نـفـس ٍ مــودة


كنت اعـد الزمـان ارجـي وصولـه
صرت اسمي على عينـي .. وآعـده:


وش يحدث غضاضه عـن نحولـه !؟
ناحـل ٍ غـض .. كنـه حـرب ردة !!


فيـه حكـمـة تباريـهـا طفـولـة
كنه السـر فـي مـن بـاح سـده !!


عاد انا جيت ارحـب .. شفـت لولـه
عاد انا شفت لولـه .. غبـت مـدة !!


سيـدي واسـرج لقتـلـي خيـولـه
شاف طرفي غزاه .. وقـال آصـده !!


يحسب ان عاشقـه يصبـح عذولـه !
كيف ؟ ماادري ! .. ولكن : من يرده !؟


ألـف بسـم الله الرحمـن حـولـه !!
والـف بسـم الله الرحمـن حــده !!


هو على الارض زول ٍ مثـل زولـه؟!
لا .. حشا ! .. فيه قده ؟ ميـن قـده؟!


إن تبسـم .. يصيـر الـورد دولـة!!
وان تجهم .. يخـون البحـر جـدة !!


وان تلعثـم .. خـذا الريحـان جولـة
.. في شفاته ، قبـل يرجـع لخـده !!


ينهـب القلـب حتـى فـي ذهـولـه
لاقـرا دفتـري والـحـزن شــده !!


كيف اجـل لـو فضـح خلـي ميولـه
للاغانـي .. وكـن الطيـش هـده !!


حيـن اشـوف العصافيـر الجفـولـة
تستحـيـل لـحـرار ٍ مسـتـبـدة !


والله انــي لانـولـه ثــم انـولـه
نيتي غصـب .. لكـن جـت بـوده !!

 

[صالح العرجان]

هيجن الشـام غنـى لحـن عشـق وفـرح
ليلـة ٍ والسحابـة هلّـت مـزون عــام !


ليلـة ٍ والأمـانـي صـدرهـا منـشـرح !
الجـدار استلـذ العشـق وانبـت خـزام !!


اقبلت مـي .. يمـي ، يـوم ربـي سمـح
اقبلـت تعتـذر لـي عـن جـروح الأنـام !


كـل هـم ٍجرحنـي .. شافهـا وانجـرح !!
كـل درب ٍ تلـوّى .. شافهـا واستـقـام !!


الظـلام بديـار العشـق غصـب انفـضـح
اشرق مـن الحنيـن اللـي يهّـد الظـلام !


والشتـا حيـن هــدّ النـافـذه مـاربـح
شاف مي وتراجع .. قـال : مالـي مقـام !


والبحـر زم نفسـه وبنظـرهـا سـبـح !
واصبحت تملك المـا والغـرق والسـلام !!


والله انـي حسـدت التبـغ .. يومـه نفـح
من ثغَرها واحَسد العقـد فـوق الرخـام !!


والقـدح فـي شفاهـا .. ماهقيتـه قـدح !
كـان قلبـي .. وكانـت تقنعـه بالغـرام !!


صوتهـا النـاي .. لا لا صوتهـا لاصــدح
بحة العشق تمطـر فـوق خصـب الكـلام !


انشدتني عن امسي .. قلـت ربـي صفـح !
وانشدتني عن ارضي .. قلت رمل وخيـام !!


مـن يلـوم الحزيـن الحـايـر المنـذبـح
لا حضن طيف .. مي .. المنغمس بالحرام !!؟

 

[صالح العرجان]

تحلـم بـوردة تحضـن عيونـك فجـر
واحلـم بـوردة كـل صبـح تقبـلـك !


وردة .. نداها .. يستحي منـه المطـر !
وردة .. شذاها .. مثـل حبـي يشملـك !


دورت عنهـا .. واسـأل دروب القمـر !
إسأل صباح الارض والمـا .. واسألـك !


كـل الـورود استاهلـن كــل البـشـر
أمـا انـت مـا مـن وردة ٍ تستاهلـك !!


من قبل لا انسى .. كنت ابحكي لك خبـر
عصفور لـه مشـوار مـع ورد الفلـك !


قال : المدينة .. تسرد احلامـك حجـر !
سافر إلى الغيب .. انتفـض مـن منزلـك


قلت : الطريق ؟ .. ومد لي صمت وسهر !
فكرت اعود .. وقال : من عـود هلـك !


سافرت .. لكـن بيـن رغبـات وحـذر
صاحبت خوفي .. كنت خايـف يشغلـك !


للغيب كنت امشـي .. ولكـن مـا خطـر
.. في بالي اني عند ما آصلـه آصلـك !


أثرك حبيبي تحضـن عيونـك فجـر ؟!
واثـر المرايـا كـل صبـح تقبـلـك !؟


وتريـد منـي أجمـل ورود البـشـر ؟
وشلون .. ياتاج الورود اهديـك لـك ؟!!

 

[صالح العرجان]

من يوم شفتك ( والنعاس ) بعينك النجـلا ( سجيـن )
ومن نفس ذاك اليوم و عيوني ( سجينـه للسهـر ) !!


علقتنـي بالضحكـه اللـي تسـبـق .. الغمازتـيـن
وتركت لي شاعر !! كتب فيك القصايـد واشتهـر ..


سيّلـت دمعـك واستبـاح الدمـع ستـر الياسمـيـن
وعلمتنـي كيـف النـدى يجمّـل خـدود الزهـر !!


ليتك عقـب مـا غبـت غيّبـت اشتياقـي والحنيـن
أو ليتني ما قد دفعـت احـلام عمـري لـك مهـر ..

 

[صالح العرجان]

اقبـل يحـرك خـطـوة الـرجـل بـرفـوق
والـقــاع لمـصـافـح خـطــاه يـتـشـوّق


مخـلـوق لكـنـه مـاهـو بــأي مخـلـوق
عـلــى بــنــات آدم وحــــوى تــفــوّق


عليـه لبـس ٍ يجمـع الوسـع والضـوق
موسـع ٍ بعضـه .. وبعـضـه مـضـوّق


مــر .. وتـعـدا مـابـدا مـنـه مـنـطـوق
الا انـــه بـجـيـش الـمـفـاتـن مــطــوّق


خلاني امشي واقضـب الـدرب واتـوق
مـانــي بـتـايـق عـقــل لـكــن مــتــوّق


تقووول مرمي ٍ على الارض من فوق
والا مــن الـسـم ﴿السقـطـري﴾ مــذوّق


يغفـى عـلـي شــوي وشــوي ٍ افــوق
واقـــول لاستيـقـضـت والــبــال روّق


مــدام لامـعـوق ولا صـايـبـه عـــوق
وررررراه يمشي مثل مشـي المعـوّق


اللي على حاله خطر مـن هـل السـوق
مـفـروض يمـنـع مـايــروح يـتـسـوّق

 

[صالح العرجان]

يـا أسـتـاذ فــن الـدلـع يمعـلـم الطيـبـه
يـروع مـن أيجيـد فـن الصـحـوه الغمـضـه


يـا أكثـر مـن أسكـت علاشانـه وأهذريبـه ..
ويا أكثـر مـن أأأضيعـه وأكثـر مـن أحفضـه


ويـا أكثـر مـن أبكيـه وأصمتلـه وأغنيـبـه.
ويا أكثر مـن أأأأمـوت فـي طاريـه وأعترضـه


عيـد بقلـبـن هـبـوب الـشـوق..؟ توميـبـه
يا كتلـة أوصـاف بيـن النـاس...... منقرضـه


وأذاك .؟ مستكثـر اللحضـه عقـب غيبـه.....؟
ترى أول العمـر لحضـه.؟ وأخـره..؟ لحضـه

 

[صالح العرجان]

كنها.؟ لاقالت . أرررررررحب.؟ على الررررأأ ترتكي
أأأتحـفـاهـا. وأخـلــص. وتـوهــا. بـاديــه


مــن دلعـهـا؟ لاتحفـتـك.؟ كنـهـا.؟ تشتـكـي
ومـن ثقلـهـا.؟ لــو يـثـورن. تبـقـا هـاديـه


تتقن؟؟؟ البكي.؟ المضحك.؟ على . الضحـك.؟ البكـي
بكـي أميـنـه رزق..لاكــن بضحـكـة شـاديـه


وصوتهـا....؟ أأأخـر شمـوخ الطـراز.؟ المملكـي
وبحتـه.؟ تقـمـع ضـهـور الـحـروف الغـاديـه