خريطـة عواطفـي !!

[محمد الفيفي]

.




طال الغياب وحادي الشوق غَرّد
............ بأوجاع قلب ٍ في حناياه ... قبرين

القبر الأول ./ كان يضوي ورَمّد
............ والقبر الآخر, مات من قبل عامين

واللي بقالي جثه ... اسمه محمّد
............ غريب .. ماله في دياره , عناوين

يرثوه ناسه والحكي صار مشهد
............ بين القبر والموت ... وأحلام باقين

يعني وحسن الحظ ما شاف مرقد
............ إلا ّ سُهاد وبَين .... والناس ممسين

وألوان طيفه كلّها .... لون أسود
............ من وين أبلقاها .... إذا الكلّ مقفين؟





.

 

[محمد الفيفي]

.

يابعد عمري ..
وحياتي ..
مابقى غير القليل ..
اصبري ..
لين انتواجه ..
وابشري ..
بالمستحيل ..
الحزن .. والجرح .
وخوفك ..
في عيونك
زاير .. وعابر سبيل ..!!

.. .. .. ..
لايموت الشوق ..
ضامي ..
في عيونك ..
لايذوب الحب كله ..
في ظنونك ..
إنتي جمرة بردي ..
وأكثر ..
إنتي رعشة روحي ..
وأكثر ..
إنتي كل إحساس ..
فيني ..
دمعتك في الصدر .. خنجر ..
الحزن .. والجرح .
وخوفك ..
في عيونك
زاير .. وعابر سبيل ..!!
.. .. .. ..

احتريني ..
في زوايا الشوق ..
خاطر ..
احتريني ..
في جروح الوقت ..
شاعر ..
لاتنامين ..
بسكوتك ..
وأنا في روحك ..
بيوتك ..
من يقول انك ..
مجرد .. طيف عابر ..
الحزن .. والجرح .
وخوفك ..
في عيونك
زاير .. وعابر سبيل ..!!

.

 

[محمد الفيفي]

.




يا أول من عرف قلبي وأول من هداني الويل
................... وأول من خذا منّي .../ غرام ٍ حالك ٍ حالي

ولابه قبل من يعشق . سواي ويشعل القنديل
................... فرح لجله على رجله ./ أسوق السُهد بلحالي

وإلى منّه ركد بالي ..../ وأقبل بالهدوء الليل
................... أحاول أوقد أفراحي / يفز الحزن يصحى لي

على شانك عرفت إنّي ./ أماني مُتعَبَه بالحيل
................... سواء ً كنت في حلّي ./ أو إنّي بوجه ترحالي

صحيح إنّك معي أول ../ ولكنّي صهيل الخيل
................... رياحي تكسرك حتى أشوف الذكرى تمحى لي

بقايا زحمتك منّي ...../ وأنفاس ٍ خَذَتني سيل
................... جدبها ينبت بصدرك / وغيرك فيني يوحى لي





.

 

[محمد الفيفي]

حطي يدك بيدي
أو على صدري
ونامي
محتاج: أدفى من دفاك
محتاج: استنشق شذاك
محتاج: اضمك داخل ضلوعي
واهمس بلهفه ابيك
محتاج: اصحى على صوتك
محتاج: انام على همسك

باختصار .../ مابي الا شعاعك أوأموت
لحظة وداعك

والله اني مانسيتك
كل يوم اسال عليك
حتى لو تهجر *فديتك*
بس ../ .. طمني عليك

فيني جراح قد زمان
وقد مايكفي البشر
قد مايكفي البشر
قد مايكفي البشر... و ^يزداد^ ..!!
فيني غرام قد الأمان
قد البراءة للطيور
من فوق اغصان الشجر ..
/يتجدد وينعاد/
فيني *انين *
يقضي على حلم السنين
فيني سهاد ..
فيني امل لكن سواد ..!
فيني امل لكن سواد ..!
فيني امل لكن سواد ..!

 

[محمد الفيفي]

.

قلتلك من قبل اشوفك :
اننا صعبه نكون ..!
حتى لو تجمعنا رحله
او تفرقنا الدروب
كم عيون حبت عيون ؟!
والهوى اصبح يهون
والذي بيني وبينك //
(خطوتين )
لكن اكبر من || مسافه
انت دايم ../ بالشمااال
وانا دايم../ بالجنوب

انا بدونك "دمية" مابها عظام
جثه على باب الأمل تحتضر فيك ..!

مابقى شي غير دمعه ..
تنطر اطلاق السراح

والذي "بيني وبينك "
شمعه في درب الجراح

تنكسر من جور مابي
صامدة بوجه الرياح

والاماني بس اماني ..!
والامل ماله جناح ..

.

 

[محمد الفيفي]

.

عبثتي ..
في دواويني ..
وغيرتي ..
عناويني ..
شطبتي صورة احلامي ..
جرحتي روعة ايامي ..
تعبثتي ..
في تكويني ..
سرقتي ..
أجمل اغصاني ..
مليتي ..
وقتي باحزاني ..
سرقتي ..
كحلي من عيني ..
غريبه ..
ياوجع روحي ..
غريبه ..
يا وهم حلمي ..
غريبه ..
يا تعب كلي ..
غفى عقلي عن أفعالك ..
وحضنتك في شراييني ..
تحملت أبشع أخطائك ..
تجرعتك ..
سكاكيني ..
مشى صمتي ..
مشى صوتي ..
مشت لك رعشة بيوتي ..
ركضتك لآخر أبعادك ..
سحبتيني على موتي ..
بعد مانتي سكنتيني ..
أنا التايه ..
أنا المجنون ..
أنا الأبله ..
أنا المشلول ..
أنا اللي ..
كل غباء هالكون في عمري ..
أنا اللي صرت ..
في عيون الزمن ..
بهلول ..
أنا اللي ..
ضاعت ايامي ..
باسم قاتل ..
وأنا المقتول ..
غريب أمرك ..
يا هالدنيا ..
عبثتي ..
في دواويني ..
وغيرتي ..
عناويني ..
تعبثتي ..
في تكويني ..
ورغم ..
جورك على صبري ..
حضنتك ..
في شراييني ..

.

 

[محمد الفيفي]

.






تحريني على دروبك شعور ٍ يطلب اشباعه
.................... تحريني أنا راجع جروح ٍ ..... ملها صبرك

تحريني على نبضك /. بكل السمع والطاعه
................... تحريني أصير أجمل .. اسم يكتب على ثغرك

تحريني طفل توه رضيع ويجهل ارضاعه
................... يمد يْدينه ليدينك ..... يبي يرقد على صدرك

تحريني سحاية عشق تمر الشوق مرتاعه
................... تفيض من الخجل تمطر وينبت بالولع زهرك

تحريني أبرجع لك ... بنفس ٍ حيل طماعه
................... تبي جوك تبي ارضك . تبي تبحر على بحرك

تحريني ولو قلتي ... عليك حلوف خداعه
................... تحريني ولو قلتي ...../ أنا ماني حمل جمرك

تحريني وهن ضايق .. تجرع لذة اوجاعه
.................. أنا ما ستاهل جْروحي ولا استاهل جزاء هجرك





.

 

[محمد الفيفي]

.





[ يا نايمه ] الصبح أشرق .... والعبير
.................... من داخل انفاسك .. تباين لي .. شذاه

والمشكله ... من فرحتي ... ودي أطير
.................... وأجيك قلب ٍ ... أنت ِ له ... داه ودواه

أغار ... من حوم الفَرَاش ... ومن كثير
.................... الناس .. ومن كوني .. ومن باقي فضاه

يا بهجة الدنيا ..... تعالي لي .... غدير
.................... سحاب صبح ٍ ........ لامَسَ الخد بعطاه

وأعطيك من كثر الغلا .. [ قلب ٍ كبير ]
.................... ما يَحمل إلا ّ واحد ٍ .......~/ يشفع غلاه









.