رسـائـل لـ لـ يـاسـمـيـنـة

[صالح العرجان]

علمووووووه اني كذا ؟!



بي وجد من صحي على سامر البرق
على ديـاره عقـب ماهـو تجلـوى

او ونة اللي ناض يوم اونس الحـرق
وعلى عضوده يابس الحبـل يلـوى

وقاس ِ الحديد ايليين من كثرة الطرق
والمر يطفح كنـك معطيـه غلـوى

 

[صالح العرجان]

ما اظن به شي في ذالوقـت ينسينـي
مافيـه يـوم ٍ جديـد الا وانـا فاكـر

ان اقبل الصبح قلـت الليـل يمدينـي
وان اقبل الليل قلت ان الفـرج باكـر

 

[صالح العرجان]

ضيّعتني ما بيـن (إيهـك) و(لائـك)
حتى تساوت عندي ال(لاء) وال(إيه)؟

أحيـان تثبـت للمحـبّـه ولائــك
ونفس الولاء بغمضـة العيـن تنفيـه

كريم فـي بخلـك ، بخيـل بعطائـك
تاخـذ ولا فكّـرت معطيـك تعطيـه

وش حيلتي لا صار صبحك مسائـك
مساك صبح وصبحك الليـل ممسيـه

 

[صالح العرجان]

مليـون مـرّه قلـت لـك لا تنـاور
سلمْ الهوى معروف في كـل ديـره

بعض الحقايـق ثابتـه.. لا تشـاور
كالعمر فانـي .. والكُـره مستديـره

والحب متمركز على أربـع محـاور
شوق ، وغلا ، واعتاب . وآظن غِيره

ولاّ الهدايـا والصـور والأســاور
غالـي ثمنهـا بـس تبقـى صغيـره

ومواصـل الخـلاّن عبـر التـزاور
جسـرٍ يكمّـل للمحـبـه مسـيـره

والصـدّ بيـتٍ للمواصـل مجـاور
مالـه مواجيـبٍ ولا حـق جِـيـره

والحـظ مابيـن النفـوس مـتـداور
إن قام خِيره وإن قعد قلـت : خِيـره

 

[صالح العرجان]

مـا كـل ضحكـه تهـزّ القلـب يشبعهـا
ومـا كـل دمعـه تمـرّ العـيـن تبكيـهـا

من شاف ضحكة زمانـي قـال : "بايعهـا"ما يـدري انـي فقيـرٍ مـا اقـدر اشريهـا

 

[صالح العرجان]

ياقطعة السكر وذرات الاحسـاس
... في نكهتك حسيت باهلـي وناسـي
>
اخفيت كاسي عنك نادى لك الكاس
... حتى قدرت تصبني وسـط كاسـي
>
طعمك جرى بالدم ياعطر الانفـاس
... الغيت خوفي حيطتي واحتراسـي

 

[صالح العرجان]

الشوق يلبسنـي سكـوت ومطاليـب
مابيـن ضيقـة خافقـي وانكـسـاره

بالفتنه اللـي لوّعـت حالـة الذيـب
قلبي لهـا كوكـب ضلوعـي مـداره

... / ... فيها العجـب والتعاجيـب
من شفتهـا صـارت لنـاري شـراره

اضحك على حالي واقول : الصبر طيب
ولا شوف غير القلـب تشتـب نـاره

موجة ضيـاع وعندهـا فـن تعذيـب
فـي سيطرتهـا بالمشاعـر مهـاره

مشاغبـة جـدا وتمـلـك اسالـيـب
( جهنميّـه ) كـيـف زرع الاثــاره

لكـن براءتهـا تجـي تذبـح الريـب
ذبح الظـلام بوجـه ضـوح الانـاره

لها جسم ترغيـب// بعيـون ترهيـب
حـلااا// وتجبرنـي اذوق الـمـراره

تقبل كمـا الميـزه بوجـه العذاريـب
مثـل البداوه//فـي اطـار الحضـاره

وتقفي مثل ضيفٍ من اكرم معازيب
نظـرات توديعـه تغـنـي وقــاره













احبهـا حـب الوفّـي للمواجـيـب
ما غيرها بالصدر //نـال الصـداره

ضعت بتجاهل قلبها // وانبت الشيب
كنه يبي مـن قلبـي العـذب ثـاره

بغيابها //كل شئ محتـاج ترتيـب
يشبة غياب الأمن وسـط الإمـاره

ولا به عذر يشفع لها كل ما تغيـب
وانـا اتشقـا للوصـل وانتظـاره

اودي // آمالي لهـا لكـن تخيـب
والحال ينقـص والغـرام بحصـاره

اقاومه وألقـى جروحـي معاطيـب
ولا همها بيـن الدلـع// والعيـاره
















( .... ) وحال الوضع محتاج تعقيب
قلبي لاجل عينـك مغيّـر مسـاره

والله// لو ان الثوب ينطق بما صيب
يمكن صرخ من نـار قلبـي زراره

واشوفها// وانسى الزعل بالتراحيب
واروح بيد // الشيّطنه// والجـواره

 

[صالح العرجان]

::

::

اجمع سهامك واضـرب القلب بالحب
واقسم فؤادي واطرح اللي يعانـد

تلقى النتيجه جسم عايــش بلا قلب
يقرا الرسايـل ينتظــــــر كـل وارد

لاغاب واحد كنـــها قامـت الحـرب
عساه يفهـــم منهـو اقصـد بواحـد !

::

::