هات لي قصيدة وعلاقتك الـ شعريّة معها

[عبدالعزيز رشيد]

قطر الندى منوّرة بحضورك والله يرحمه اخوك يارب ,

القصيدة مشهورة جدّا وهي من أجود ماكتب حتّى أن مطلعها مشهور جدّا ويعتبر رائعا على حدّ تعبير الرواة والنقّاد لكن هنالك بيتٌ مشهور جدّا في وقته وكانوا يعجبون منه ولكنّه ليس مشهورا مع الأسف بالوقت الحالي وهو:
أعيذها نظراتٍ منك صادقةً ***** أن تحسب الشحم فيمن شحمه ورم
فقد تعجّبوا من روعة تصويره
مممم وعلى حدّ علمي القصيدة قد تكون أطول

 

[عبدالعزيز رشيد]

لـ:[مساعد الرشيدي]
كنت أجدها عاديّة ولاتليق به لكن بعد العودة إليها مرارا وتكرارا أدركت حجم الخطأ الذي وقعت فيه لأنّ النصّ كان عميقا بشكلٍ لايُفهم لأوّل وهلة

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البال ممـــــــحل ونس والعين تغميضها=نوب ايتـــــــــــهيا ونوب مي تهيالها
واعـــــــيني الي الياغفيت لواحيضها=لــــــــــــولا المشاريه ماقلنا هنيالها
اجــــــبر عزاها قبل تفرح مباغيضها=والــــناس ماخلت المقفين في حالها
مابين فـــتل الطروق وبين تنقيضها=علــمن يخج الضلوع ويضهر اقبالها
لو عقل الخبت نوده وانفهق قيضها=خــــطرن تثور اهموم القلب بعقالها
ماعاد به مايــــشد النفس ويهيضها=والــــنفس صلفه وتاركها على فالها
يومن نفسي عسيف اوكدت ترويضها=والـــيوم كن العسيف اتهوز خيالها
دنياغــدت سودها عندي مثل بيضها=تشابهه لعـــــــنبوها ماعرفنالها
من يوم لاحه وبانت لي عـــواريضها=وزرا ثقـــيل المتون الهلف يشتالها
بحــماك يامسرع الفزعات ومريضها=عـــن ساعتن ميلها يرجح ابمعدالها
اخاف بكرى الياحــــميت مراكيضها=من طيــحه البشت والبسام وعقالها



.[/poem]

 

[عبدالعزيز رشيد]

لـ:[متعب التركي]
بإمكان الشعر أن ينتشل نفسه من جمود التقليديّة بواسطة الصور المتجدّدة والمعاني الحيّة والتي تبقى بعد ولادة قراءتها ولاتموت بعد نسيانها فنتذكّرها لاحقا

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مفتوح باب الرجى لو هب مليون ريح= والريح ماتاخذ الغرسه من عروقها
القوس مكسور والرامي يقوم ويطيح= والسهم منعاج والايام خازوقها
لو لبسو ساقط الهرجه ثياب المديح = قلنا سحابة وبلة يابس حلوقها
ياحادي الركب لا توده عليه وتصيح = ماعاد هي سالفة ليلى ومعشوقها
مديت شوفي وشفت الكون رحب وفسيح = والارض حدر المواطي والسماء فوقها
مادام عين الرضا ماها هماج وشحيح = ابتبع الغيمة اللي رفة بروقها
مدري عن المقبلة لكن عسى الله يبيح =اللي تهز القلوب وهزني شوقها
غنيت للحب ولسان المحبة فصيح = والبدو سبة غناها ضيقة خلوقها
باكر يروح الشتاء والثلج قصره يسيح = مايفضح الثلج غير الشمس وشروقها





.[/poem]

 

[ميــرال]

فيصل اليامي ابدع بحكاية / عيال حارتنا
من كثر احساسي بعمق وبساطة النص ابكاني وبالوقت نفسه تمنيت ان القصيده لي

رائع هذا الشاعر





ياليت ان الزمن يرجع ورى ولا الليالي تدور
ـــــــــــ ويرجع وقتنا الأول وننعم في بساطتنا

زمان اول احس انه زمانًًًًٍٍ فيه صدق شعور
ــــــــــــ نحب ونخلص النيه.. وتجمعنا محبتنا

زمن ما فيه لا غيبه.. ولا حتى نفاق وزور
ــــــــــــــــ ياليته بس لو رجع ونسترجع طفولتنا

صغار قلوبنا بيضا..نعيش بعالمٍ محصور
ـــــــــــ ولا نعرف ابد اغراب ما غير عيال حارتنا

صحيح صغار فالتفكير لكن ماعلينا قصور
ـــــــــــ نخطط نكسر اللعبه.. وتسعدنا شقاوتنا

نروح المدرسه بدري ..ونضحك داخل الطابور
ــــــــــــ نحاول نزعج العالم في روحتنا وجيتنا

وعشان نأخر الحصه.. نخبي علبة الطبشور
ــــــــــــــ نشاغب بس فالآخر.. تميزنا برائتنا

نحب الضحك والهيصه.. نحب انط فوق السور
ـــــــــ نفرفش.. ليه مانفرفش مدام الضحك عادتنا

ولكن دارت الأيام.. وبان الخافي المستور
ـــــــــــــ وصار الهم متعلي على قمة وسعادتنا

كبرناوصارت الدنيا تصف أحزاننا بالدور
ـــــــ وتهدينا الألم والهم غصب عن عين رغبتنا

تعبنا من بلاوينا ..أحد ضايق وأحد مقهور
ـــــــــــــوكلٍ غارق بهمه.. وفالآخر تشتتنا

وانا ما أقول غير الا وحلالاه الزمان يدور
ـــــــ ويرجع للورى فتره.. نعّدل وضع عيشتنا

 

[صالح العرجان]

من خلف المشعان موجهه لي

/
والله يا صالح كل ما ارسلت لي بيت
يطري علي اسوق الاقدام يمك

انا فدا عينك ليامن تهقويت
اخوك لو ما كنت من بطن امك

[ قبل لا تكون من شاعر هي من ولد عم لـ ولد عمه ]


بصوته

 

[عبدالعزيز رشيد]

لـ:[مغلي العرقين]
مايثير إعجابي وتعجّبي كيف يكون بهذا الإحساس والرقّة بالوصف وبألفاظٍ فضّة؟

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


روحي000 الله لا يردك مانتي اول من فقدته=اخذي اجروحك وروحي روحة من غير جيه
ما000انتي اول حلم يستانس على القلب وزهدته=ولا انتي آخرحلم اعافه بين مغرب وضحوية
ما000 انتي اول من رحل عني وسافر ما نشدته=ولا00اني آخرمن ترك وجدانه بعين حضريه
كان حرماني ماغير انتيحمدت الله حمدته=ما علي من الزمانالشين سجات وخطيه
اعرف انه مابقابي غصن صبر ما حصدته=اضحكي هالحين قولي كانت عزومة قويه
عشقك اللى كل مانسنس هوى الغربي فردته=لين قام يطاول اشجاني ويستعصي عليه
يوم قام يشوف نفسه من معاليقي طردته=روح مالك في معاليقي سلام ولا تحيه
ان تذكرتي نسيته وان طلب قربي جحدته=دامي آخر واحدمجنون يعشق له ثريه



.[/poem]

 

[إغفاءة حلم]

قصيدة : عشان الله ..
لـ الشاعر : صالح العبدالكريم ...

كُل مايكتبه هذا الشاعر ... يُثير دهشتي ..


ياه يا صبح الحنين
لا تخبّا وسط صوتي
فكّني
خلني أتظاهر إني مبتسم
خلني متماسك
وخلك حزين

جيت بدري
جيت افضفض عنك صدري
يا جريح
جيت أدوّر فيك راحه
ليه تبغاني أطيح
يعني عاد القاها منّك
وإلاّ منّه
يا مُعين الصابرين ..!




فمان الله يا قلب ٍ غمرني بلطفه وطيبه
............... فمان الله يا عشق ٍ حفظته بالضلوع سنين

لو اقدر أحبس الدمعه عشانك وأجمع الخيبه
.............. قدرت أمشي لو حمولي كبيره بالقسا واللين

وأنا والله لو بحسب جمايل وقتي وعيبه
.............. حسبت إنه لفابك لي ولكنّه خذاك الحين

أحبك كثر ما شانت وجيه وطاحت مصيبه
............ أحبك كثر ما عاشت مواويل السعف والطين

أحبك كثر ما ينبض خفوقي وإنت تدري به
............. أحبك كثر ما طعنت غيابك توجع السكين

يغيب البال ما كن الليالي ضاقت بذيبه
............ لو إنه جاع للصوت الطويل وجرّة المقفين

طواه الضيم لكنّه طواه وهيبته هيبه
............ رغم لؤم المدينه والمباني وغفلة الصاحين

فمان الله لو غصّت عيوني بدمعة الطيبه
............. وأنا واقف على باب الفراق أتسوّله : مسكين

عشان الله إذا عندك بقايا تضحيه جيبه
............. ترى ضاقت بي أنفاسي ولا أدري أروح لمين ..!


أروح لمين
أروح لمين
وأنا كل ما هدا قلبي
وخفف من بكاه
تبين ..!

شُكراً .. عبدالعزيز ..

 

[باتل عبدالعزيز]

للامانه لااريد ان اقول لايوجد هناك شعر فالوقت الراهن كي لايقال عني انني " فاهم شعر " او انني ذويّق خطير وهكذا
ونعم بالحقيقه لايوجد شعر بل نادر جداً خصوصا ً بالمنتديات اصبح الكل متشابهين الى ان وجدت شاعرا ً تفوح الروعه من مكامن ابياته !


لكم :

لو كانت همومي كبـر هامـة طويـق
سبحانه ، اكبر مـن همومـي ومنـي

ومادامـت الدنيـا حظـوظ وتوافـيـق
ماينفـع الرجـال ، كـثـر التمـنـي

كم لي وانا من هالزمان ابلـع الريـق
واضحك واجامل واتجاهـل علـى انـي

مرتـاح مابيـن الرجـال المطالـيـق
وانا الزمان اللي إمتحنـك .. امتحنـي

ومافي يدي غيـر الشعـر والطواريـق
في دمعة عيوني وفـي ضحـك سنـي

ان ضقت .. قمت اجرّ صوتي من الضيق
وان رقت .. قمت اجرّ صوتـي وأغنـي

وماقول انـا شاعـر وفاهـم وذويـق
وماقول : انا مبدع على صغـر سنـي

لان الحرار اللـي بـروس الشواهيـق
حرار غصـب ٍ عنّـك وغصْـب عنـي

إن كنت بحلـم ! فالصـدور الصناديـق
وان كنت بحلم ، خيّـب الوقـت ظنـي

وإن كنـت بعلّـق علـى كـل تعليـق
حتى لسانـي .. بكـره يمـل منـي !