رسـائـل لـ لـ يـاسـمـيـنـة

[صالح العرجان]

جيته بـ ليلة وداعه
تايه بين البيوت صحت .. وينك ..؟؟
جيت اوادع عمري اللي راح فيك ..
ما سمعت الا " صدى صوته " وكان ارق صوت
نطق اسمي .. ثم همس ..
من متى وانا احتريك ..!!
قلت و عيوني تغافل زفرة الحزن وتفوت
هذا انا جيتك ..
و ليت الموت جاني قبل اجيـــك ..
بعدها يادوب عدت .. عبرته حد السكوت ..
قال و عيوونه تغااارق دمع
" بسم الله عليــك "
قلت يابن الناس .. عادي ..
ما ورى هـ الموت موت
وش وراها .. ?!
لا فقدت عيونك ولا مسكت يديك

 

[صالح العرجان]

كلّ ما يسأل حبيبي : وش كثـر عنـدي غـلاه ؟!أشهق و أرفع يدينـي ( كثـر هالدنيـا و زود )
يبتسم و يهزّ راسه / ( أدري ) : إتَّمتـم شفـاه
آحيه/ يا حلـوه سـؤالٍ مـا يـدوِّر لـه ردود!

 

[صالح العرجان]

مدري صباح الخير والا مسى الخير
..............طالع بوقتكـ واختر اللي يناسـب

اهم شي تكون في خيـر وبخيـر
..............هذه تراي اعدها اكبر مكاسـب

 

[صالح العرجان]

كب السهر يا جفني الخآدر و نم
......................لك ( كم يوم ٍ ) ما حضنت الوسَآده

تصبح على هم ٍ و [ تمسي على هم ]
.........................أثر السهر لمولع القلب عآده .؟!!

 

[صالح العرجان]

حبيبي جاك احساسي على صافي نقى ووضوح
.......................................كتبته قبل مايومي تجي الأقدار ويكتبني

واذا قلبي خطا"اعذر"وقول انه بعد مسموح
......................................واذا حبي معك قصر أمانة منك "سامحني

 

[صالح العرجان]

خايف عليك ومنك بالحيل خايف
.......................عزي لقلبي يجمع الحب والخوف

خليت قلبي والشقاء بك ولايف
.................قلبي عمى وش عاد لو عيني تشوف

 

[صالح العرجان]

يـا عاذلـــــي .. مـا تشــوف العيــــن مشتــاقـــــة
لــــولا الحـيـــــا جاوبـتــــك بدمــعـــهـا الصــــافـي

عطــــــني جـلـد .. كـان تنخـــــانـي علـى فــــراقـه
ودي الـــــي مـــن تركتـــــــه مـا أشبـــح خـلافــــي

لاح الجبـيـــــن .. وجــــذبـنــــي نــــــوض بــــــراقـه
حــيثــــــــه ربيـعــــي .. وورد الـخـــــد مـصيـــافـي

والغصـــــن لولا المطــــــر ما أخضــرت أوراقــــــه
يـا كــيــف عــشـب الــوسـم يـتـرك ويــنــعـافــي

 

[صالح العرجان]

ياكثر ماأرمي همومي من ورا ظهري
................................وأقول طابت جروحي والله الدآري

أقول صابر على الشدات من صغري
.......................وأنا دايم أرمي همومي من وراء أعذآري

أحيان ودي أجر الصوت من قهري
.............................واحيان اقول ان القلب بالحزن سآري