ياوجودي

[عبدالناصر السديري]

اقتباس:
المشاركة الأصلية كتبت بواسطة عبدالله البطي

يا وجودي لو حيلة طب جرحك في يديني

ما انهمر من عينك السيل الحزين الي اشوفه
من عنا الايام شفني كن فاقد والديني
كني اول واخر انسان شكا من جور خوفه
بسألك وانتي بعدها في أمانه جاوبيني
واصدقيني ليه ضحكتنا من العمر امخطوفه
ليه حلمي شوف عينك ينتهي قدام عيني
حيلته يكتب شعوره والعرب تقرى حروفه
وش يفيد البوح لو انتي بعد بتوادعيني
لا سقا الله قافي ان غنى على قسوة ضروفه
لاوربي ماتوادعنا لو احضوضك تشيني
نفس ما انتي ساكنه قلبه سكنتي وسط جوفه
لو يقول الوقت فرقا يوقف بوجهه حنيني
كيف يامصنوعة الالماس يا اغلى هنوفه
بوعدك وانتي على نفس العهد لو توعديني
مثل ساق النخل في وجه العدا يبقى وقوفه

صور وكثافه شاعريه في النص
دمت يا عبدالله جميل ومبدع