دوحة اوراق !

[فهد الماجدي]

مصيبه هالحنين امواجعه ترتيب..
يجي شوق وحنين الخلّ بْغيّابة..
يطيب الجرح لو اِنه بعد ماطيب.؟؟
اِذا المحبوب دوم يواّصل احباّبة.!

 

[فهد الماجدي]

امي
هي جنة اوطاني.
وسواحل عمري من يوم ميلادي.!
....
وامي
رواسي مينا مشرقه في شمس..
وادياري وبلادي.!
؛

امي
اوطاني
ودوى صدري .
الى من ضاق في جوف الظلام..!
ياساحل اوطان التسامح
بيننا
وبين الحبايب في خصام..
امي يابنت الكرام.!
؛

امي
ياراس مالي
وعمري الباقي صفالي.!
ياقلبها الصادق
الى من شافت بعيني غثاي.!

؛

امي
حمامة ورمز لطيور السلام.!
مالي
سوا امي نديمه..
صادقه وقت الملامه
وانحكت اوقف وانا خاشع لها
بكل احترام.
ويطير من صدري حمام.!

 

[فهد الماجدي]

احب المطر واللي يحب المطر والغيم..
واحب السحاب الممتلي عالي صروحة.!

واحب الوفا واهل الوفا لو عثر به ضيم..
واحب الاصيل الاجودي لو كتم بوحة.!

 

[فهد الماجدي]

تحت المطر لك حنين ينرفز ْجياّدي..
وانشودة الغيم والحان المطر عذبة..

لك شوق ماقواه كثر ْدياري وبلادي..
يعيد تصحيح ميلاد الهوى وكذبة..!