وش يكون القصيد؟؟!!

[بدرية البدري]

خميس الوشاحي ..

قبل كل شيء مبارك لك المركز الأول في مسابقة المنتدى الأدبي ــ تستحق الخير كله ــ

قصيدة تنم عن ثقافة وما أجمل الشعر حين ينهل من معين الوعي

ولكن لا أدري لمَ ذكرني هذا النص بنص [ خيل الكلام ] للشاعر السعودي [ نايف صقر ]

من سريتك عرفت ان الظلام خيمه سهيل وديار الجدي
ليلة البرد ما ادفاني الثمام وصلك انت الدفا ياسيدي
جيت مقبل تهادى والغرام ينتهي في هدبك ويبتدي
عطرك اقبل ونم بك الحمام ياهلا فيك والقاع احمدي
لايمي في مطر تغرك يلام عاذلي فيك للفال الردي
ودي ارقد على ذراعك وانام وانت تحكي ويدك في يدي
وان غشاني من انفاسك غمام ازهر العشب في كل جسدي
وان سقيت الحشا برد السلام ماشكاك الظما غصنٍ ندي
وان ضحك لي هدبك المستهام طاب لي كل قاعٍ جرهدي
القصايد عن وصوفك صيام عذرها إنك جمال سرمدي
وصفك ارضٍ بها خيل الكلام ملت الركض واتعبها العدي
من كتبتك عرفت ان الظلام خيمه سهيل وديار الجدي

تقديري