أحســب مجـالك..!!

[هدب]

المشاركة الأصلية كتبت بواسطة اورنس الهذال

مسائكم\صباحكم .. خيــر

اقدم الاعتذار عن انقطاعي الفتره الماضيه ومثلكم يقبل الاعتذار .. إنشاء الله

قدمت نفسها لكم ... تأمل بالرضى ..


[POEM="font="Simplified Arabic,5,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه كل(ن) على وسادة النوم=حمسة مايقعد حلول الصعيبات
الفكر سارح لاجوازات وختوم=عدا مجاله فوق ذيك الطويلات
نشايب(ن) في صدري جبال وحزوم=متراكمه لبعد حدود المجالات
يالله يامنجي جيوشك من الروم=يارافع(ن) إبلا عمد هالسماوات
وجهة وجهي لك وأنا عبد محكوم=زلات رجلي في يسار الكتابات
أعفر لي ذنوبي وأنا فيك معصوم=بحبل(ن) وصلته بين خمس الصلاوات
بعض البشر ماهمها كثرة اللوم=وزلات بعض رجال ماهي بزلات!
رجل(ن) تعزه كلمته دايم الدوم=ورجل(ن) كلامه بالمجالس تفاهات
واللي يصيد (النايفه) ماهو البوم=البوم يبقى ساكن ارض الطمانات
والحر لامنه (كسر) حزة الحوم=واضح طريقه يم ذيك الكبيرات
وأنا كسبت المرجله فعل وسلوم=فطرة بدو ماشوّهوها الخواجات
ولو إن صدري شايل هموم وهموم=ماأبيّن بوجهي طعون الصراعات
ويابو رغد منهو يعزك من القوم=حطه على يمناك والطيب مامات
القرم قرم (وترثته) كلها قروم=من يوم يومه جامع(ن) كل الاصوات
واللاش لاش (وترثته) كلها رخوم=مايعتدل طبعه ردى كل الاوقات
والفعل بيّن ياعسى الدرس مفهوم!=(أحسب مجالك) لاتزيد المتاهات[/POEM]

اعذرونا من القصور ..

دمتم بخير

الصمت ابلغ من الكلام
دمت راااائع