صوّر فطورك وعلمنا وش فطرت؟

[حياه]

المشاركة الأصلية كتبت بواسطة عبدالله العويمر

ماشاءالله اثاثكم زين

<<<ترك الفطور والاكل وراح للاثاث


اقول ماتبيعونه مستعمل بحطه للمكتب

لا ولله لا يكون قاعدين بحراج بن قاسم يابو انتاا وياه > بتلعن خيرهم
اهجدو خلونا بالموضوع الرئيسي > عربجيه ماتترك حركاتها

.

 

[حياه]

المشاركة الأصلية كتبت بواسطة سعيد موسى

أبو عبدالعزيز كم تبي وتطلع من البيعه ؟
ماشاء الله تبارك الله وقسم أن ابو عبدالعزيز صادق تركنا الاكل وجلسنا نتمقل بالأثاث ....
الله يذكر صنهات بالخير >>>>>> رهيب هالفيس

وانت التهديد اللي جا لصاحبك بيجيك
عين خير لا انتفك >؟
نزل انت وياه صور فطووركم بكرا لا بالعجرا على رويسك انت وياه
صنهات > تضحك هههههههههههههههههههههههههههههههههههههههههههههههه
.

 

[إبراهيم بن نزّال]

المشاركة الأصلية كتبت بواسطة أحمد الهايس

انا ياحياه : لمساتي ما تتعدى البيض وان تطورت السالفه معي زودت البيض طماط
وخليته على قولتهم شكشوكه وش على بالك بصير زي (الأخوين العنزي) ماشاء الله عليهم ليتهم ساكنين معي بالشقه *_
حتى لو عليهم الطبخ وانا علي الجلي ماهي مشكله
بس تدرين شكلي بصور لك من صور مجدولينا
بس خلي يمضي كم يوم عشان تنسى وش نزلت هنا من صور
وابشري

ياذا فطور ( الأخوين العنزي ) ,,
وأنا أقول من ذاك اليوم وأنا واخوي علي فطورنا ماهو مثل أول
الظاهر به اللي ماسمى علينا ,, يادافع البلا
ودنا بفطور مثل ذاك اليوم ماعاد منها ,,,
ولا لا عاد جلست انا وهو على سفرة واحدة .
ياأنا معزوم ياهو معزوم , ياهو جايب فطور من برى يا أنا جايبه .
وش قومكم ؟؟؟

 

[علي المحمد]

سفرةٍ عامره بالخير ... ماشاء الله تبارك الله

 

[نوف سعود]

المشاركة الأصلية كتبت بواسطة هـيـفـااللاّفـي

من ورانا يامجدولينا هالسوالف الحلووه ولا تعزمين :d

<<< غرامها الموالح والحلا :d
بالعافيه ياقلبي ..

اما فطوري انا موفي بيتنا هالسنه وحشني بيتنا

أمجاد يعطيج العافيه ياقلبي ع الروائع


ومتابعه للجميع

معزومه ياهيفاء والبيت بيتك ..
بس تجين للرياض دقي علي ..
الله يعافيك ..تقديري وودي ..

 

[عبدالله العويمر]

المشاركة الأصلية كتبت بواسطة سعيد موسى

أبو عبدالعزيز كم تبي وتطلع من البيعه ؟
ماشاء الله تبارك الله وقسم أن ابو عبدالعزيز صادق تركنا الاكل وجلسنا نتمقل بالأثاث ....
الله يذكر صنهات بالخير >>>>>> رهيب هالفيس

شوف ابو موسى
المجلس حلو بس طاولات الشاي من النوع الرخيّص لاقيها بحراج ابن قاسم بـ 70 ريال

وبعدين لاحظ حركات البنيّات
أولها صور فطورك وشوي شوي يطلع جزء من صالة الطعام وبعدها طاولة الطعام بكبرها والحين المجلس

اتوقع بعد اسبوع يطلع البيت والشارع وكل وحده تبي تورينا مستواها المعيشي


ايام الابو يكون جندي بالحرس الوطني ولّت ياسعيد

 

[عبدالله العويمر]

المشاركة الأصلية كتبت بواسطة حياه

لا ولله لا يكون قاعدين بحراج بن قاسم يابو انتاا وياه > بتلعن خيرهم
اهجدو خلونا بالموضوع الرئيسي > عربجيه ماتترك حركاتها

.

اقول حياه

الصور تطلع فطوركم بس كيف نعرف طعم الاكل حلو والا لا؟
مالح والا ناقصه ملح؟

مستوي والا لا؟

مشكله ياعربجيه

 

[حياه]

المشاركة الأصلية كتبت بواسطة علي المحمد

سفرةٍ عامره بالخير ... ماشاء الله تبارك الله

يا هلا والله يا المحمد علي
منوور

.