شوفي يامجدولينا أنا عندي هذا أهووون بكثير من مسألة سوء الاختيار لأن الجمال والدمامة رغم أهميتهما لكن لايمثلا عائقا في نجاح الزواج لأنها هي وهو أكيد شافوا بعض في الشوفة وربما أكثر من مرة ولاتقولين إنه مافيه أحد اللحين مايشوف شيّاب ويشوفون الوضع تغير عن قبل لذا إذا هي أو هو قبلا بالشكل فهذا يرجع لهما وأحيانا يكون الواحد دميم لكن اخلاقه تخليه أجمل شخص في الكون والعكس صحيح والحياة والعشرة والزواج الجمال مع الوقت يتلاشى أمام الأمور المهمة
نجي للي يرفع ضغطي فعلا هو سوء الاختيار اللي أغلب مجتمعنا يقع فيه مثال : تلقينه حافي ومنتف ويتشرط بوحدة توها تدرس يتزوجها بعد كم شهر يسب ويشتم في الزواج ! ويحط كل غبائه على غلاء المهور - يالله هالكلمة كفيلة تخليني أمر سجن الحاير وأقعد كم شهر فيه -
أضرب لك مثال أخر واحد عمره تعدى الـ 37 مثقف رايح بعثة ومع دكتوراه يطلب ويتزوج وحدة عمرها 18 بعد سنتين يتم الطلاق والسبب عدم التوافق الفكري والمستوى الثقافي التام !!!
مثال مختلف : واحد مثل مانسميه بالعاميّة مطوع وامام مسجد يتزوج بوحدة متحررة وهو عارف وهي شارطة عليه إنها ماعندها أي استعداد تتغير ويتهاوشون على عباة ثم تتوالى الهوشات ويتم الطلاق طيب أنت وشوله تاخذ وحدة ما تشابهك وأنتِ ليه تاخذين واحد مختلف عنك وأنتِ ماعندك أي استعداد لتغيّر ! عجيبين هالناس
والأمثلة كثيرة جدا وأقدر أقولك إن النصف من زواجتنا فاشلة قبل أن تبدأ وحتى لو ما انتهت بالطلاق ربما مستمرين فيه لكن الفشل يحيط بهم من كل مكان
وسلامتس