باكر العيد

[ونيس الدرعان]

المشاركة الأصلية كتبت بواسطة اسعد الروابة

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قرّب العيد وحدي في شموس الكلام = بالمراقيب اغني وآنا توّي جريح
الفضا ضايق ٍ بي جيت افج الزحام = والمبــاني قبور اتْضم الاحيا وْتْصيح
في زحام الشوارع لو ينوح الحمام = الهديل المُعّتَق يسمعونه فحيح
كيف ابلقى عيوني والأماني ظلام؟ = وكل نجم عشقته قبل اضمه يطيح !
قمت ادوّر بوجهي عن زمان السلام = وبالوجوه الغريبه عن مكانن فسيح
ريحة الطين وجهك, وجهك اللي ينام = في (قواويش) حزني , بالمكان المريح
ابدويٍ خـــذتّه... فلسفات الرخـــام = راح يصنع زخارف بالكلام الفصيح
عنده العيد ..فجر,ودق نجر,وخيام = سكر احمر , وعطره ديدحانٍ وشيح
خص يومٍ يغازل راس عليا غمام = أو يصافح قدمها عشبٍ اخضر وريح
قرب العيد مدري من متى وْكم عام = واجمل الشعر يصبح عند حسنك قبيح
باكر العيد مدري وين طار الكلام = من بساتين قلبي وآنا توّي جريح
يعني العيد باكر ! كيف اصدّق وانام ؟ = عيد من دون وجهك..كذب ماهوصحيح
[/poem]

عيد من دون وجهك كذب ماهو صحيح
ياااااه
يا الهي
وش سويت يا اسعد ؟

*
*
كنت اتصفح المنتدى بدون تسجيل واثناء قراءتي للقصيدة اندهشت واردت تسجيل دخولي .. فـ وجدتني بدون ما اشعر اسجل دخولي بـ اسمك ..!!
مبدع مبدع مبدع