قـصـة الـعـشـاق

[محمد الزويد]

السلام عليكم و رحمة الله و بركاته


[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من اول يوم قابلتك أحس اني بديت اشتاق=عجبني حسنك المغري بعد ما شافتك عيني
جمالك يجبر احساسي يفز القلب له خفـّاق=جلست أتأمل وْصوفك واشوف انك جذبتيني
أنيقه حيل خطواتك مثل ريم ٍ مشت برفاق=مع كل خطوةٍ تمشين تتصـافق شياطيني
فديتك و آآه لو تدرين وش اللي داخل الاعماق=فتحت ابواب قلبي لك تعالي شوفي شـْفيني
يزيد النبض في قلبي و روحي لك بدت تنساق=رهنت العمر في حبٍّ هديتـه باقي سْنيني
معك توه ابتدى عمري يرتب خافي الاوراق=يحـدد عيد ميلادي و يبدا فيك تكويني
غزا نورك سما الدنيا كما شمسٍ بدت الاشراق=على ايدك بدا هالحب يسري في شرايني
وانا لك بعلن الليله بداية قصة العشاق=لجل طول المسافه تقرب اكثر بينك و بيني
اشوف الكل يسعى لك وانا قد جيت لك سبّاق=اسابق كل من حولك وابـيّن لك عناويني
جمالك يا بعد عمري على كل العذارى فاق=ابيك اليوم في دنياي وحدك بس تكفيني
بعد ما وْصلت انا حْدودك وباقي بس وصل و عناق=بعيش الحب في قربك و ابيك اكثر تعشقيني
خلاص اللحين صرتي لي وانا وانتي ترى عشاق=خبرت الحب من نظره وهذا اللي حصل فيني
[/poem]

 

[جُمان]

..
ثمَّةَ نبضٌ حَي ، وفيضٌ مِن حُب مُخملي .. يَلتَقِطُ إشاراتِ الرُّوح
ويَنقُلُها إلى أمدَاء أرحَب
قصِيدَتُك يا مُحمد مكتَظَّةٌ بأحادِيث عذبة

شُكراً لك
وللشِّعر
.
.

 

[أحمد الهايس]

محمد الزويد الجمال والأبداع

رائع جدا ً أخوي محمد تقبل مروري

ولك ودي وتقديري

 

[محمد الغشام]

,

,

الصديق والغالي : محمد الزويد
لله درك
في كل أشراقه لك بالشعر تمسك الأشعاع وتنثره على صدورنا برحب

رائع والله
عاطِر التحايا