\ صبحيّة التكوين /

[جمال الشقصي]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
"


تعبت ارفع عظامي الهالكه لاجلك غناوي وناي=وواسي خاطري بانك على غيابك تحبيني

يـَ.. عمري ما رجيت اغصاني الخصرا لبرد شتاي=يبس قلبي كثر ما للشجر صوّت: وحشتيني!!



"[/poem]

 

[جمال الشقصي]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

"

قلت اوصلك.. والدرب موحش وحافي=وصمته تردّى بين ليلي والاحجار
حلمي وانا ارقب للنهايه ضفافي=حلم العمى بمشاهدة وجه الازهار
لا يا بعد من جوْا وراحوا خلافي=لا ينتهي بي الدرب برّات الاقدار
يا ما نويت القاك باوّل مطافي=ويا ما انتهت بي الارض وانتي بلا دار!



"[/poem]

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]على كلٍّ.. بعدني منتظر بالشمع=وفنجانك برَد والنادله راحت!
كثير اشيا حواليي تثير الدمع=اذا قام الجميع.. وجيّتك طاحت!![/poem]

"

 

[جمال الشقصي]

"

موطئ قدم

وما ادري متى القى الخُطا

ما ادري طردني هالمكان


أو غربتي مْن القِدَم


"

 

[جمال الشقصي]

"

ما للزهر وادي على جال شباك
. . . . . . . . . . . زرق النوافذ في غيابك شظايا

حبيبتي والحزن يذبح هداياك
. . . . . . . . . . . مري بكذبة دمع تبكي الهدايا

أما أنا مكفوف يقرا نواياك
. . . . . . . . . . ونصّب عيونه فوق قبر الزوايا..!

"

 

[جمال الشقصي]

"

محطوبه الجدران



والارض ما تاوي غريب!


قلت امسك اطياف السما..



أو ياخذ بيدّي الدخان



ودي بمكان:



لو شنطة مهاجر



لو غصن باعشاشه ذوى



هذا الثرى وين أقدره..



كل الشجر شيخٍ يموت



وصوت النواحي مقبره!!



:



في آخر التيه جْسِري



اللي يرجعني ضياع المبتدى



عتّبت ابي رمل الهروب



وعديت وجهي والمدى!



يا مولدي خان المصير..



والا العمِر موت.. وْعدا..؟!!

"