وطن ..؟ وين الوطن خان التمر نخله

[هند الفهيد]

/


مساؤكم وطن ..

تغيب الشمس
ويحضر للسهر فارس
ببصمة ليل ياتيني
أعيشه دندنه واحزان تاخذني
وتقتلني وتحييني
وبرد ٍ ينتشر فيني
حطب شوقي أشبّه نار تـِدْفيني
تدَفـّيني
أعاتبني / أهامسني
وادوّر داخلي عن روح
وطن يكتب سما حرفي
يوطّني..
يسطّر لي دواويني
ولا ألقى وطن يكتب لي أحلامي
يضوّعني كرامه
للسموّ تِمضي عناويني
يسجّل بالقلم تاريخ
وادورني
على كفّ الألم محد ٍ يعزّيني
وطن ياهيه..
تعال آبيك
أبهمس لك قصيده ترتبك فيني
تناديني
أبحكي لك عن اشواقي
وشي ٍ يرسم احلامي
على طيني
أبنشد سكّتك / غيمك
عناوينك
أنا ويني ..؟
يطول الليل
ولا لي بالمدى تاريخ
ولا كتف ٍ تصدّ الآه
تسندني / و تَوعِدني
تودّعني
على صدرك تغطّيني
عشان ألبس ثياب الحلم
وأزيّني
وألزم بالرضا سجّادة التسبيح
وأدعي لك
واسولف لك عن آمالي
حكايا الريح
عن اللي صار بغيابك
تعال ولازم اتجيني
بدونك ياوطن باضيع
وأسأل كل من حولي
أنا ويني.؟
وأنشد دفتر التلوين واكتابي
قلم / كراستي واقلام تلويني
شوارعنا
وصوت آذان شايبنا..!
سوالفنا..
صلاة الفجر لمّا امي تصحّيني
عمود الشارع المحني
قلوب ٍ دوم تلمحني
تِدوّر للوطن قيمه
تطمنّي
وتمنحني
وترضيني
وأعود بْخوف أسألني
وطن وينك ..؟
فقدته في عناوينك
و في عينك
أصيحك ياوطن تكفى ..
رحل عنّي
وأمّنّي على تينك
رحل عنّي
أو إنّه ما قِوى يْجيني..

وطـَن..ماشـِفـت لي في هالمدى إنسان
تِعِـبـت انـظـر أدوّرنـي ولا اشـوفه

وطن..شاخـت عـيوني أنتـظر تـِحنان
أَرتّـب حـلمي المـنـسِيّ ِ بـِحـْروفه

عـزيز ويرتـكـب فـيني غـياب اوطان
عـميق وما عـمـيق إلا ظـِما جـوفه

جـِفاني ماتـَرك في حـوزتي عـُنوان
ولا بـَيـّن مـَعَ الأحـلام بـِوصـوفه

وطـَن..خـاب الأمل والحـظّ بعده خـان
وظـَلـّت بـَسمتي من راح مقـصوفه

نِسـِيت إني رُمـيت بـْجعبة النـسيان
وغـابت فرحـِتي /حَظـّي نِـفَث أوفه

وطـَن ويـن المواني مابـِقى شطـآن
بحـر مـَدّ النـّظـَر والروح مكـلوفه

وريح ٍ تـِعتـلج بالحيل كن بـَه جـان
يـِدين مـْكبّـله بالخوف مـكـتـوفه

وطـَن..أدري تـِخونـِه هالـليـالي آن
وآن ٍ يا لـلـيـالي خـانـَت اظـْروفه

وطن..يـِقـتاتني شوقي واصيح انـسان
تـرا شـوقي وطـَن مع آه مكـشوفه

أراه يـْغـيـب لامـِنّي بغـيتِ ايـْبان
وبَحـْلامي يـِتـوه وصـِرت مـاشوفه

إذا ماعـاد عـَطـْهِ اكـتابيَ اللي كان
وخـَلـّه يخـتـِم الاشواق بكـْفـوفه





وطن ..؟ وين الوطن خان التمر نخله
يـِبَـس بـِعـْذوقَها ماجـَدّه الجـَدّاد

يـِموت الزّهـْر شَهْده ماسِقى نحله
نـِضَب شهده وعـِيدانه تَحَنّى احـْداد

تـِعيش المسلمه حـيره وسط أهله
ولاجـاها من ارشاهم شـِفا و وْداد

تـُروحُ وْ راحها مـَِدّه عـَطا جزله
وبـِين مـْتونها روح ٍ لها مِقـداد

نـِضاها الـشّوق واحوالٍ قِوَت حَمْله
وعـنّاها الحنـين وعـاقَها بـِشْداد

سـِقاها الصّبر من نـَبْعه على مَهله
وذاقـَت مُرّ صبّاره قَـطِر بـ مـْداد

تـِساءل في قـهر واعـْماقها طفله
ومـَمزوج الحـنين بـْروحها يـِزداد

وطن ..؟ وين الوطن خان التمر نخله
وحـادي القوم غـنّى والعـنا هـدّاد





/

 

[عطْرٌ وَ جَنَّة]

مِن الْجَميلِ جداً
أنْ أبتَدئ هَذا الْمَساء بِقَصيدةٍ كَهذه , كُنتُ قَد لَمحت عَنوانها مَرة , ومَا وَدَدتُ قِرائتها إلا هُنَا فِي أبْعَاد .
وقدّ تَحقق ذَلك كَأمنيةٍ طَيبة .
جَميلة وَ بَاسِقة

 

[ميــرال]

هذه أماسي ان اتت لاتأتي إلا كما يكون الشعر

احساسك يااماسي وطن

 

[حنان الفايز]

أماسي

وطن هذا من أجمل الشعر

رائعة بكل حرف كتبتي

سلمتِ ودمتِ رائعة

 

[وادرين]

أماسي
رائحة المطر
رهيبة تلك المشاعر
اسلوب من نوع فاخــــر
لها جمال عاطـــــــر
من انامل اجمل..
سلمت يداك

تحياتي
وادرين

 

[هند الفهيد]

اقتباس:المشاركة الأصلية كتبت بواسطة عطْرٌ وَ جَنَّة

<B>

مِن الْجَميلِ جداً
أنْ أبتَدئ هَذا الْمَساء بِقَصيدةٍ كَهذه , كُنتُ قَد لَمحت عَنوانها مَرة , ومَا وَدَدتُ قِرائتها إلا هُنَا فِي أبْعَاد .
وقدّ تَحقق ذَلك كَأمنيةٍ طَيبة .
جَميلة وَ بَاسِقة

</B>




تنيرين ياغالية
لاعدمت الضوء والعذوبة


كلّ الودّ والدعاء


/

 

[هند الفهيد]

اقتباس:المشاركة الأصلية كتبت بواسطة ميــرال

هذه أماسي ان اتت لاتأتي إلا كما يكون الشعر

احساسك يااماسي وطن





راقية وحفيفك مقدمكِ يجلب البشر
لاعدمتك ميرال

حفظكِ الرحمن

/

 

[هند الفهيد]

المشاركة الأصلية كتبت بواسطة ليالي نجد

أماسي

وطن هذا من أجمل الشعر

رائعة بكل حرف كتبتي

سلمتِ ودمتِ رائعة

الروعة محيّاكِ الأبهى ياغالية
لاعدمتك ولا النور



/