الجاهل اللي من حياته ما أستفاد

[محمد بن حليلان]

مساء الخير..


رسالة لمن أتخذها وسيلة للحسد.. ورشق بني جلدته بكلمات لا تليق به..
أتمنى أن تصل كما هي..

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]ماهوب جاهل لو جهل ما يجهله=الجاهل اللي من حياته ما أستفاد
لو باع في الدنيا نصيبه أو كله=ماأنت بوكيل آدم على أرضه والبلاد
نفسك غدت ياخوي مثل المكحله=تلمع ولكن في دواخلها السواد
حكمك على كل البشر يامسهله=لكن صعبه تقبل أدنى الإنتقاد
وش حدك الرجال يومٍ تجعله=عرضة لسانٍ تستبيحه بالعناد
الله يحاسب كل عبدٍ بعمله=وإن مت وش ترجي من لسانك حصاد
غير الحشر في النار يوم الزلزله=في يوم لا ينفعك لا مال وعتاد
حاذر ترى شرواك وقته يمهله=يآكل ويشبع ظلم من لحم العباد
والعمر واحد والليالي تصهله=والخلق ما تجهل هدفها والمراد
الرجل عمره مرحله في مرحله=ودايم حياته في صراعات وجهاد
فإن جاك طيب والدماثه منهله=يبقى مع أهل الطيب ذكره في ازدياد
وان جاك خالي من علوم المرجله=محدٍ ذكره وجيته مثل الجماد
المسأله ماهي كلام المسأله=ماودي إن قلبك يغطيه الرماد
والله لو مالي شغل فيك وصله=ماقلت ما في الصدر وأظهرت الوداد
غيرك يقول إمن الكلام وينقله=ولا أنت عاقل وتعرف درب الرشاد
وذاك الذي نزلت فيه المنزله=وأغتبت شخصه دون أدله وإستناد
يحفظك ربي والله يحفظه لهله=خلك بعيدٍ عنه واحسن الإعتقاد
لا تطعنه خلف الظهر ثم تقتله=وإطلب من الله الرضا يوم التناد

وسلامتكم[/poem]

 

[حسين الحوالي]

يا .. مساء النور
يامحمد ..


قصيدتك جزله ..
متماسكه ..
تنبض بـ الحكمه ..

وجاءت بـ صوت ناقد .. مُدوي

قرأتها .. بـ تمعّن
ووجدت أن معانيها .. منتقاه بـ فكر .. يعلم ماذا يقول ..
صاحب هدف ..
ويحمل رساله .. أوصلها لنا .. بـ صوت الشعر فيه


محمد بن حليلان ..


صح لسانك ..
على هذا المتصفح .. الواعي ..
والمسئول ..
وفعلا ً .. الجاهل اللي من حياته .. ما آستفاد

وياكثرهم ..
أو بالأصـَح .. ياكـُثرنا .. يامحمد !

دمت حاضرا ً .. لـ نتوعى
و ..

دمت بخير ,,
























ح . ح . ح

 

[يوسف خلف]

صح لسانك
رائع ولا تحتاج الى اشاده

 

[محمد السالم]

هنا شعر العقول الناضجة


شكرا لك يا محمد على هذا العطاء

 

[محمد بن حليلان]

المشاركة الأصلية كتبت بواسطة حسين الحوالي

يا .. مساء النور
يامحمد ..


قصيدتك جزله ..
متماسكه ..
تنبض بـ الحكمه ..

وجاءت بـ صوت ناقد .. مُدوي

قرأتها .. بـ تمعّن
ووجدت أن معانيها .. منتقاه بـ فكر .. يعلم ماذا يقول ..
صاحب هدف ..
ويحمل رساله .. أوصلها لنا .. بـ صوت الشعر فيه


محمد بن حليلان ..


صح لسانك ..
على هذا المتصفح .. الواعي ..
والمسئول ..
وفعلا ً .. الجاهل اللي من حياته .. ما آستفاد

وياكثرهم ..
أو بالأصـَح .. ياكـُثرنا .. يامحمد !

دمت حاضرا ً .. لـ نتوعى
و ..

دمت بخير ,,






ح . ح . ح

صح بدنك ولاهنت ياحسين..

مرورك شاعر بحجمك يسعد القلب..

لك الأمنيات