ألمـ...ـشاعر !!

[بركات الشمري]

وانتحر ..
شاعر ٍ أهدا لها روحه ، وراح !
دير بالك يابحر !!



.

 

[بركات الشمري]

لاتغيب ارجوك ياعمري ... أخاف !
.................. ينتهي بي الياس .. داخل مسرحه !!

والصباح يموت من هذا الجفاف
................. وانت ماتلقى حبيب ٍ ........ تجرحه !!

 

[بركات الشمري]

.




وين ياملح السنين !؟
لي سنه !
لا والله أكثر ... أنثر احساسي .. حنين !
واكتم انفاسي أخاف الشوق يطلع !
في رجا .. ( إنّك تجين ) !
في رجا .. إنّك تعيدين الحياه ..
للي بعدك قام يصرخ :
آه ٍ وآه ٍ وآآآآآآآآآآه !
للي بعدك .. ضاع بعضه !
وبعضه الباقي
نساه !
شوفي حالي !
منطوي وحدي .. ولا لي !
غير اقلّب ذكرياتي .. ! وانتظر طيفك يبين !
ياااه .. ياهالذكريات !
تذكرين !؟
كم سهر " طرفي " على " طرف ٍ " يبات !
وكم جرح ٍ مات ! ... حي !
وكم فرح ٍ حي ..
مات ..!
تذكرين !؟
كنت أنا لاغبت اجي واسأل :
بكيتي !؟
تسكتين ..!
وأسمع أشواقك تقول :
إيه ياحيي وميتي !
وكنت أشّر يم قلبك .. واسألك :
هو .. هذا بيتي !؟
كنت أسمع .. دمعتين !!
تذكرين !؟
كيف اسابق لهفتي
لاجيت يمك !؟
وكيف كنت اجمع حنيني وانثره ...
من شان المك !؟
تذكرين !؟
يوم أنا ( أول ) ... أهمك !؟
ماسألتي .. كيف حاله !؟
طفلك .. النايم بصدري !؟
وكيف لامنّه تشوّق ..!
قمت احس النار .. حدري !؟
وكيف اجاوب لاسألني .. ( ياترى بالحال تدري ) !؟
كيف ابهرب عنه .. قولي لي أمانه !؟
وين أودي وجه صبري ..
لابكى فيني .. حنانه !؟
وكيف اسليه بـ غيابك !؟
وأنا احس إنه بصدري .. مل ّ حتى من مكانه !
يالله عاد !
انفضي غبار الرحيل .. وأطعني
" صدر البعاد " !
ياهو .. لاعبّي الحنين ..
هه ! شوفيني حزين ..
لا الهوى هذا هواي ... ولا بلادي هي بلاد !
ماسألتي ليه اموت الفين مره ..
لاطريتك !
وليه احس القلب يطلع !
بس .. لامنّي بكيتك !؟
وليه أنا .. أفنيت عمري .. فدوة لعيونك !
وجيتك !؟
ماسألتي .. ليه يعني !؟
وكل طاري هم ْ من بعدك تبعني ..!؟
يمكن إن قلبك .. نساني ..!
أو يمكن ... ماسمعني !
إييييييه والخالق .. " أحبك " ..!
وحتى أوجاعي ..
تحبك !
حتى أسمك لابغيت أنطقه !
يطلع لي " أحبك " !
















































































يا " أحبك " !


.

 

[بركات الشمري]

.




و ..




مابكى غيري .. على غيري .. سواي ..!
........................ كن مابه .. غير أنا ... باقي معي ..!

لمـ لمي حزنك .. وخليني ..... معاي !!
....................... وافتحي باب الحنايا ...... واطلعي !!


وقولي إن العاشق الصب ّ اللعوب ..
كان عاشق بس لحظة ما " كذب " !!
وصار ميّت بس لحظة ..
ما " كتب " !!


كثر هذا الشعر واللي.. مانقوله ..
................كثر هذا الصمت واللي مايقال ..!

دمعتك لامرّت احساسي عجوله ..
............... كنّها تلبس من الأجفان .. شال !!


وآآه ياانتي .!
وين كان اللي ينادي ( وين كنتي ) !!؟
ماهو ذنبك يوم خنتك ..
كان ذنبي ..
يوم خنتي ..!!



و ....













.
.

 

[بركات الشمري]

.



ماهو صباح الورد والنور والخير !
..................... إلا ّ صباح اوجاع.. وآهات ... وهموم !!

ماكن صبحي به نسيم وعصافير !
..................... ولاكن هذي الشمس هي شمس كل يوم !!










.

 

[بركات الشمري]

.







يانبضة قلبي المرمي ورى هذي الضلوع العوج
............. يانسمة لو يمر ّ الصبح من عندي ... تنفسها !!

كأن البحر ذا حالة أبوك اليا صفق بالموج
............. يبعثرني الحنين وكل لحظة شوق ...... ألبسها

ياكن الروح من فرط اشتياقي ياضناي تهوج
............. اليا منها طرت لي ضحكتك ...... ياربي احرسها !!

ودمعة امك فـ روحي صداها فـ الضلوع يموج
............. أداريها ، وانا بي غصة ٍ يابوك ... ما اشرسها !

يامحسن يابعد حي/ المسافة / غيمتين وموج !
............. مصير أطلق لك الفرحة ودمعة هناك ... حابسها !!






.

 

[بركات الشمري]

.






حاولت أفتّش في ضلوعي عن احباب !
..................... لقيت فيه احباب .... فجّت ضلوعي !!


وحاولت أرسم فـ المدى ضحكة اصحاب
..................... لقيت فيه أصحاب ..تهوى خضوعي !!


وحاولت أدور ّ للغدر بعض الاسباب !!
..................... مدري ! بليّا اسباب !! طاحت دموعـي !!






.

 

[بركات الشمري]

.





من يقول إن التعب أقفى وغاب !
................ هذي عيونه على قلبي ... تويق !!


ضيقة ٍ بالصدر مامنها .. عذاب
................ العذاب : اصدور بعيوني تضيق !!




.