إلى من يهمه الـشعر!___مع السخريه

[ناصر حطاب الدهمشي]

المشاركة الأصلية كتبت بواسطة عبدالله العويمر

طـُلــبت فوجـِدت

قديمه تتجدد بكمــ

http://www.4shared.com/file/74415461...___online.html

لو ان الطير لارفرف جناحه شال معه الريش
................. تشوف الناس ماجابت خبر للطير من ريشه!

وانا اللي من صغر سني تركت الطيش لاهل الطيش
................. واعرف اللي مدح بيشه عروقه تنتمي لبيشه

واذا اللي قبّل ايدين الاوادم لاجل لقمة عيش
................. لقى من يعذره ..ليته عرف وش قيمة العيشه

تهز اسماء وتطيح العقول ، وكفوها تهميش
................. لقت من عزها !..والفكر عاش بذل تهميشه!!

ياشيخ المال واسمك يُفترض قش وملاله خيش
................. ياليت الوقت ماعزّ القشاش ولا ملا خـــــــــيشه

على كثر اسئلة أهل العقول : منين؟ كيف؟ وليش؟
................. تطاول هالعلو رخوم هذا الوقت وكديشــــــــــه

ياراع المال وقبور الثقافه ماتبي تنبيش
.................نبشت القبر والميّت صــــــــــحى من كثر تنبيشــه

لنا ألف وعليها والشعوب بشعر مع تلطيش!
................. لنـــــــــــــــــا ألف وعليها وامة المليــــــــار تلطيشه

تخيّلت الشعر مره خلق لي يامُحمد جيش
.................ورسمت حدود هالعالم ..خيال وياكثر جيشه

وحطيت الشعر درع وعتاد ، ولابقى شاويش
................. جهل قول الشعر ، والطفل يرسم دوله بطيشــــه!

ولكني صحيت بواقع الأمّه وخـُف الريش
.................وعذرت اللي ضحك فينا ، وقال ان العرب ريشه!

.

إقتباسي له .. ليس كما إعتادَهُ الكثيرون ...
بل لأن النص هذا كـ الوطن لا يُفرَّط بذرة رمل من ترابِه ..
يا عبدالله .. أنت تـُـرضي ذائقتي في كل نص يأتي بك ,
بينما البعض هم من يأتون بنصوصهم .. ولك أن تلاحظ الفرق

أحبــك يا شعر

أخوك
.
.

ناصر الدهمشي