والاياقاف مصافحه بعد الغياب

[فهد البيضاني]

السلام عليكم ورحمة الله وبركاته


اولاً اعتذر عن الغياب


واهديكم هذه المصافحه بعد الغياب علها تشفع لي



وقلت فيها

[poem="font="andalus,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]والاياقاف لاجيتك منادي=ابي اوصلك اشيا في فوادي

ابذكر ماحصل والناس تسمع=والاياقاف شديت الشدادي

وانا شاعر على الجزلات ضاري=حكيم القول واقدح بالزنادي

ليا شفت الخطيه قلت هاذي=خطيه وافهموا ياهل الرشادي

لكنّ الناس ماتسمع لمنصح=ترى هاذي طبيعه بالعبادي

وانا ماني معذرب بالخلايق=ولا ابغى من لحوم الناس زادي

على الاسلام نهجي ماشيٍ به=واخذت من البدو زين المبادي

واخذت من الحضر علم وحضاره=ولاصاب الغرور انسان عادي

وانا عادي ولاني بمتَغطرس=وقلبي ماسكن فيه السوادي

كبير العقل لو سني صغيّر=والا ياقل نوعي فالبلادي

اشوف الناس تسعى للمعالي=وانا جبت السمينه باجتهادي

واشوف الناس تحسدني لأني=على درب المراجل دوم بادي

واشوف الناس تبحث في خفايه=حشا ماباح سدي ل الاعادي

واشوف الناس زادت في حسدها=وانا امري على الله واعتمادي

مدام الله معي ماني بخايف=لوان الناس زادت بالعنادي

والاياقاف ترجمتك بحرفي=بيوتي بالشعر دايم جدادي

وخل الناس تشقى في شقاها=مدام الطيب هو غاية مرادي[/poem]




وسلامتكم


لكم كل الود


اخوكم

فهد بن حمود البيضاني

 

[ناصر حطاب الدهمشي]

وخل الناس تشقى في شقاها
____________ مدام الطيب هو غاية مرادي

الله عليك يا فهد
بحر الصخري لا يُقرأ بل يُغنّى رُغْماً عنّا ..
وهذا ما فعلته مع هذا النص ومع كل ما كُتِب أو سـ يُكتب على هذا الوزن الشجي ..
رائع يا فهد ... شاعر جميل و جزل

مودتي
أخوك
.
.
ناصر الدهمشي

 

[جُمان]

فهد البيضاني ..

جميلٌ هذا النّص ../ والأجمل اختيارُك لبحرهِ العذب

شُكراُ وأكثر

.

.

 

[رجا المريخي]

فهد البيضاني

والنعم فيك يالقرم

وصح الله لسانك وقلبك أخي العزيز

نص جزل من شاعر أهلٌ للجزاله

إحترامي وتقديري

 

[فهد البيضاني]

المشاركة الأصلية كتبت بواسطة ناصر حطاب الدهمشي

وخل الناس تشقى في شقاها
____________ مدام الطيب هو غاية مرادي

الله عليك يا فهد
بحر الصخري لا يُقرأ بل يُغنّى رُغْماً عنّا ..
وهذا ما فعلته مع هذا النص ومع كل ما كُتِب أو سـ يُكتب على هذا الوزن الشجي ..
رائع يا فهد ... شاعر جميل و جزل

مودتي
أخوك
.
.
ناصر الدهمشي

هلا بك يالامير

والاروع حضورك البهي في متصفحي


لاهنت يابو حطاب وصح كلك


كل الود لقلبك


اخوك