اقتباس:
المشاركة الأصلية كتبت بواسطة عاطف الحربي
.
.
.
تجوع اقدام وتسافر مسافه والشجن يزداد
وانا اباري بواريد العطش ماخفتهـا مجبور..
ابيع من الخطاوي بالخساره للتعب وانقـاد
على جمر الكتابه للامل رايح واجي مكسور
اغنّي ياحليمـه ياحليمـه مابعدك ابـــلاد
ولالي في صدر غيرك منافي وازمنـه وقبور
تمرّين السوالف ذكْرك الما وانتظـارك زاد
ياأجمل من شرح صدر المسافر واشتهاك النور
دفا وجهك يغازل هالصباح وينثر : أولاد
على ابواب المدن ضحكاتهم تغزل مدى وجسور
وانا ْ ابنك .. تهمتي حريّـتي واللي عداك اصفاد
ولو ماعشت بـ انسانيتي , مامت بك مدحـور
ورى جدر الزمان تصيح ـ أمٌـه ـ دمعها وقـّاد
تشبّ الشعْر بي .. تستنـبته : تيـه وشتـا مسعـور !
تخون (إ)بها الكراسي والعتب ماهو على الاوغاد
علينا يوم مدّينـا ( السـلام ) لـ قـاتلٍ مأجـور !!
أراضينا تضيع وصمتنـا : أحمق / غبي / جـلاّد
ودين المصطفى* مابين فاجر وانظمـه وقصور
..وربك ليت لي بعد القصيد براحتينيْ ازناد
كتبته وارتكبته .. لين صار الناس والجمهور !
ولكنّ الحزن ماعاد بقـّى له ولـيّ اعيــاد
يهاجر بي واهـاجر به إلين نمرّ بك والـدُور
سـلامي والحمام وغصن عمري لك .. ولك تزداد
مساحات النهـار وماورى هذا النهـار حضـور
وانا ببقى مسـافر والخطايا له فضـا وبـلاد
على جمر الكتابه لارحل .. راااح ورجـع مأسـور .!
.
.
.
*صلى الله عليه وسلم
|
صلى الله عليه وسلم
.
.
عاطف الحربي
لله درك من شاعر
تقديري
آخر المشاركات
04-21-2008, 01:41 AM
العرض الشجري