[ مُقتَطفَات أبْعَاديّة ]

[عبدالعزيز رشيد]

وماقلت لك !!!
إنت الوحيد اللّي اشوفه ذنب مهما ارتكبته ...
ما أحس إنّه حراااااام !!!!!
وماقلت لك !!!
إنّك مثل ليلي ... سهر
و
أنّك مثل حزني ... قدر
و إنك عمر ...
والعمر مرّه بالعمر !!!
والعمر مرّه بالعمر !!!
ماقلت لك !!!



لـ مشعل بن دهيم

 

[جُمان]

المشاركة الأصلية كتبت بواسطة عبدالعزيز رشيد

يا طير ..... يا أطرش
إن كان تبغي تعيش ... ما ينفعك هــ الريش !!
وان كان ما لك (عش) ...
شف كومت سنيني / إن كان تصلح قـش ؟؟



لـ دامث الرويلي

يا الله يا الله
شرّدني قبل أن يلتهِمني ضوءهُ
مُدهِش

عبد العزيز ../ شكراً كبيرة

ميرال ..
هنا حياااة
انتِ رائعة وأكثر

.


.

 

[ميــرال]

يالله...استرخي على صدر السوالف
قبل ما تصبح كلام،،
يالله استرخي على الاشواق لحظه
يالله استرخي....على عطر النفس مثل الحمام
ماحبك يالكلام
اللي سبقت انفاسها،،
يكفي في هذا الصباح..
اني شاكست النعاس ..وضمني داخل ذبولك،،
يكفي في هذا الصباح
اني..قاومت البحر،،
البحر ياخذك مني،،
مابقى غير السفر.....
قاسي ودرب امتحني،،
السفر ما عاد احبه،،
السفر ياخذك منيّ،،،
يكفي في هذا الصباح..
اني همّشت الفصول
..وصرت انا اجمل فصولك،،

حتى شعرك....
شعرك المقصوص...
عاهدني بيطول...
رغم صيحات الرياح،،


محمد الزهراني

 

[هنادي المطيري]

ميرال
لقلبـكِ الورد / الود
[ متابعهـ ]

 

[ميــرال]

لوكنا ندري من قبل،
كنا اختصرنا من عُمُر ..
ليل الخطاوي بدربنا..
دمْع...وسنين،
كنا اختصرنا..شِعْرِنا..
أوراقنا..
كلامنا..
أصواتنا المبحوحه من كثْر الأنين!
شوفي اشكثر ..
إحنا اكتشفنا هالحقيقه حيل..
متأخرين!
عشنا زمن ....
نسقي عصافير الحزن بقلوبنا...
ماي الوهَم
ونوْعِد جفاف أيامنا ..بالياسمين!!
عشنا زمن..
نوْقِد فوانيس الرجا..
كل ليله
واحنا ننطفي،
لا نوّرَت..
ولا احنا فينا أزهرت.. شمس الحنين!
عشنا زمن.. متناقضين
إنتي سعيده بدمعتك
وآنا مع الفرحه...حزين
أقرب من الشفايف الخرسا لْبعَض..
لكن كثير ...متباعدين!



مسفر الدوسري

 

[ميــرال]

لكل العابرين ودي وتقديري

 

[الغيد بنت فواز]

ومع هذه الذائقه سنكون / اقرب !
{ شكرا ً - يا ميرال }

 

[ميــرال]

وأحبك .. كثر ما !!
يعني .. كثر مدري
كم .. أهي .. يا كثر ما !!
مدي .. مدر نبضك ..
كثر ما تعطي أنفاسك ..
مدى لـ /عيني .. وحيكيني


عبدالعزيز المالكي