((عـــقـــد وعـــطــر))

[معربة الجدين]

أسعد الله أوقاتكم بكل خير ,,,



كثيرا"" مامرت هذه القصة ,,,


دعوني أحكيها لكم بهذه الحياكة ,,,




عقد وعطر ,,,,

للشوق فيني زفرتن تحكي أسرار
وسر الحكاية هالحكاية أليمه





وين أنت ياللي شوقي لك قط ماصار
أقفيت عني تحسب البعد شيمه




كنت أتهيأ لحظه الحب باصرار
ماكنها مرت عليا عديمه




أتقولها ليا وقلبي أنا بنار
انسي غلاي اللي بقلبك رنيمه




وتقولها ليا وأنا مري أمرار
بكره بسمي البنت باسمك ياريمه





وش ينفع انك تذكر الحب بانكار
تدفنه وتهدم صروحن عظيمه





أهديت لي عطرن على الجرح مدرار
كل ما أرشه زاد بالجرح ضيمه




وأهديت لي عقدن ملأ صدري أمطار
كل مالبسته رشت العين ديمه





وأهديت لي وأهديت لي من هالأعذار
وأصفق أنا بعدك كفوفن عديمه





على النقا واللي بقا حفنة غبار
وش ينفضك يالذكريات القديمه





تقول عرسي تحضرينه في اذار
تراني الغالي وحقك عزيمه




وأقولك من عيني وقلبي البار
مابي عزيمه وأنت صرت العزيمه






بحضر زفافك وألبس العقد وأسوار
وأحط من عطرك بقايا نديمه






وأرقص مع فرح الزغارد والأنظار
وأخايل العالم تشوف الهزيمه






بدرن ضوى في ليلة العمر بأسحار
أقفى يساوم دمعتي دون قيمه





ومديت يدي للفجر والحزن غار
وعودت يم الليل أعد ضيمه
................ .............................................(((عق د وعطر)))

 

[عبدالعزيز رشيد]

التعمّق والتقدّم مع كلّ هذه الحسرة والآلام شعر
حكاية حيكت بشكلٍ جميل وتخلّلتها العديد من المواقف العالقة بالقلوب بكلّ حسرة
واهديتني عقدٍ ملأ صدري امطار
ـــــ كلّ مالبسته رشّت العين ديمه
وهنا كان الشعر رذاذ من إحساس
تحيّاتي لك

 

[سلطان المضعان]

معربة الجدين

رغم الحسرة في ابياتك


لله درك

ترجمتي معاناتك لنا ابيات

وندعو لكي بالتوفيق

ودمتي سالمة

 

[غنج نجد]

المشاركة الأصلية كتبت بواسطة معربة الجدين

على النقا واللي بقا حفنة غبار
وش ينفضك يالذكريات القديمه



..

الشاعره الجميـــله

معربـة الجدين

هنــا خلقتي من النقـاء شـعر , بــدون غبـــار
وقصيـــده شفافـه مؤلمــه ...

صح الله روحك يالغلااااا
ومدائن ورد لقلبك


اختك

غنج نجد

 

[عادل بدر]

معربة الجدين قصيدتكِ أنثويّة البوح .
شكراً لكِ على ما أهديتيه لنا .

 

[شــمــ نـجـد ــس]

:

أهديت لي عطرن على الجرح مدرار
............. كل ما أرشه زاد بالجرح ضيمه


وأهديت لي عقدن ملأ صدري أمطار
............. كل مالبسته رشت العين ديمه

:

الشاعرة معربة الجدين

قصيدة تحكي كثير الألم إلا أنها لم تلغي جمال الحرف

أكثر من رائعة

 

[محمد البديني]

صح لسانك

ولاهنتي على هذا الابداع

تقبلي مروري

دمتي بخير

 

[معربة الجدين]

عبدالعزيز الرشيد ,,,

توااجدك في كل مره رااائع


دمت بخالص الود