[ .. شوارد .. ]

[الريـــــم]

:






ولأنّ حديثي كان معها .. كان مختلف
لذا رفقاً بحروفي فـ هي لازالت تحبو !!



يادنيـا ..
ماكفتْك الـ آاااااه
يادنيـا ..
وش بعد تبغين ؟!!

لمين أحكي ..
ولمين أشكي مُعاناتي
وقلوب الناس تتشابهْ
ولاصادق في هالدنيا
سوى قلب(ن) تخيّرته
وقلت أحكي همومي لهْ
وذاك الحلم من عمري
وبيت الطين !!

صغيرة
وأدري ماتدري وش أحكي لهْ ؟!!
صغيرة
وقلبها صادق ولابهْ حقد أو غيرة
على الفطرة إلى هــ الحيـن

وقلت الحين يا سـاره
أبي أحكي
وأبي منّك تواسيني إذا أصلاً فهمتيني !!
وإلا ناظرتي كالعادة أبي أسكت !!
و ربي يعيــن !!

ذكرته في ليالي الأمس
بكلماته ..
وضحكاته ..
وهمساته ..

ذكرته
يوم يفقدني ويجيني ممتلي بالشوق
ويتمتم لي :
أنا أحبك
وأحبّك أكثر امن الكون
وإذا باقي بعد أكثر ..
بعد أكثر

وأستغرب !!
وأناظر له بطرف عيني
وأتمتم بيني وبيني :
" بعد تكذب .. بعد تكذب "

وأحسب إني قدرت أخفي
وأثاري عيوني تفضحني
ألييييين الحيـن !!


حبيبة قلبي وروحي
أنا حولك وفي حدودك !!
وعد مني ولا أخليك
أليـن نصير في السبعين
صحيح اثنين .. !!

ولكنّا تعاهدنا .. نبي نصدق !!
ولاتبكين !!

ومّرت بيننا أيام
ولاسيرة
ولاغيرة
ولاشوق(ن) يجيبهْ لي

وفجأة
مابقى حولي وفي حدودي سوى أشياء مجهولة
وراح الوعد وسنينه
وعمري ماوصل خمسين !!

غريبة ..
كيّف صدّقته وحبّيته ؟؟!!
أياليته بقى أفْـ عيني ولا ضاعت [ بهْ ] أحلامي
مع أول دمع هلّيته !!

عرفتي الحين يا سـاره
هموم القلب وأسراره ؟!!





أفــــا ... نمتي وتركتيني !!



أجل تدرين
خلاص أنسي
خلاص أنسي
ونامي الحيـــن !!

* سـاره / طفلة لم تبلغ السنة حينها !!

:

 

[الريـــــم]

أحياناً يُحْكمْ علينا بالمنفى في سجن الأحباب
ما أجملها من حرية !
.
.
إذاً لتعلم :
بأنّ الخروج من قلبك يعني الدخول إلى اللاشيء



وحبيتك
وسكّنتك مداراتي
فرح منفي
حِزِنْ طاغي
وقلبٍ ماعشق غيرك
وإلى ضاقت بهْ الدنيا
طرق بابك وأعتابك
ولقاك الصدق والمعنى

هذاك اللي هنا بين الحنايا مر
ترى طيرك
ومن غيرك
غدى الأوطان والمنفى

هذاك اللي مابين الرمش والحاجب
غفى وأمسى !

يلج بوسط جدران الفؤاد
عساه إليا رحل من دمعتي في خفقتي يبقى

أحبّه في وصالي لهْ
وإلى من غاب عن عيني
أنا والله ماأنسى


هنا باقي عطر وأنفاس
هنا باقي
هنا باقي
متى غابوا عن عيوني جميع الناس !
ألا ياسيّد الإحساس

أبيك اليوم تعرف شلون
غلاك اللي تعداني وظهر للكون
ملامح من طهر باقي
تركته يوم ودعتك !
قصيدة من شجن وعتاب
سمّعْتِكْ


حبيبي :
وأجمل الإحساس مادامي بصدق
حبيتك .. !!




أن أُحِبْ فهذا يعني أنِّي أتنفس !

 

[الريـــــم]

/
\
/


كذا يعني ..!!!


أجل وشلون لو تدري

مكانك يالغـلا عندي
قسم بالله ترجع لي
وتقول أنّك تحت أمري

وأنا لولاك ياخلي
غصن يابس
وزهرة ملّت العيشه
وجفت بدري
والحيرة
بمعالمها بدت ،، بانت !


أجل وشلون لوتدري

هِنا وحدي /
والليل موحش بدونك !!

ياحبيبي
وأكثر اللي بأفقده منّك
حديثك .. !
وطفلك
إلـ ساكن ضلوعك
لا تعيقه
وأنا لامني نظرتك زاح كل الهم عني
وأنتظر لحظة رجوعك

في عيونك لي كلام
وشيء أكبر حتى من كلمة حبيبة
ولابغيت أكتبك فـ قصيدة
ردّت حروفي وقالت
يامهبوله
يامهبوله
صاحبك هذا قصيدة !!

يا مهبوله
كيف تكتبه الحروف
والقوافي من غـلاه
فارقت دور البطوله
واكتفت بالحضور !


أيه يعني وشعليه .. ؟!!

وش أبفقد لا تركتك
غير نفسي
وكل كلي
وهالهوا هذا إلـ أشمّه
وأنا بعدك في يباس
وفي شتات
وأنت تدريبي حبيبي كيف أحبّك
وكيف أشوف الكون كلّه في عيونك

ومثل حلمٍ تغشاني / كان حبّك !!

ما أبيني /
لما أدريبك حبيبي ماتبيني
وش أبيبي
وأنا كلّي صار لك
من عيوني
لين قلبي
لأخمص أقدامي
وظلي .. !


/
\
/

 

[الريـــــم]

تعجب :

لامن غدينـا أغراب وشلون نوفي
....................... يا صاحبي ضاعت مواثيق وعهود




إستفهام :

لا صرت تكتبني معك ..
وشلون أبقراك ؟!

:


:


يمكن إنّي من عرفتك يـا حبيبي
صِرْت إنسانة غبيّة

والأكيد ..
مو غبية
بس يعني كنت أتغابى عليك !

كنت أمررها كثير
وكنت أعديها إليك !

وكنت إنسانة معك
في وسط قلبك حبيبي كنت دايم
وكنت أحياناً على راحة يديك !

وكنت أضحي
وكنت أسكت لأجل حبّك
وكنت أقول بصمت : الله يهديك

شف مع الأوراق كم باقي رسالة
وكم قصيدة كنت أكتبها معاك !
وأتسلطن
وأتشيطن
وأرجع أقلبها عليك !

شوف هذا القلب عقبك وش جراله
وبعد كل ذا يـا حبيبي
رحت تبحث من هنا .. لهناك
عن حبيبه ممكن تواصل بدالي

جيت أسال هالمكان ،
كان باقي به مواثيق وعهود
وكانْ بعدك ياحبيبي ،
وافيٍ مثلي وشفوق


وهالغبية ..
حرّة وإنسانة أبيّة
وبعد كل اللي حكيت
جاي وتقلبها عليّا
وإنّي غلطانه وخطيت !


تدري عاد ...
أعتبر ماقلت كلّه كان من باب الجماله
وإنّك أنته ماخطيت .. !

خروج عن النبض :

مسـا قلبك
مسـا طِيبك
مسـا شوقك إذا جابك من غيابك !
مسـا الفرحة إذا شفتك وغنيتك :
[ حبيبي جيت ] !

:

 

[خالد الداودي]

هذه الشوارد يانعة تكاد تختال بظلالها
وهذه الارض خصبة بكم

هذه الشوارد تتعمد عودة قارئها للراحة بعد عناء

قادما بعد هذه البصمة


للارتواء

 

[سلطان الدوسري]

غريبة ..
كيّف صدّقته وحبّيته ؟؟!!
أياليته بقى أفْـ عيني ولا ضاعت [ بهْ ] أحلامي
مع أول دمع هلّيته !!
عرفتي الحين يا سـاره
هموم القلب وأسراره ؟!!
أفــــا ... نمتي وتركتيني !!
أجل تدرين
خلاص أنسي
خلاص أنسي
ونامي الحيـــن !!
.
.
.
.
أفــــا ... نمتي وتركتيني !!
أفــــا ... نمتي وتركتيني !!
أفــــا ... نمتي وتركتيني !!
أفــــا ... نمتي وتركتيني !!
.
عمداً أتيتُ لهذا المتصفح .. كي أقرأ تلك الريـــم ..
فـ القرار المُثبّت أعلاه هو ماأجبرني بالبحث عن " شواردها " .
شاعرة .. مثقفة .. أنيقة .. تمتلك الحسّي الشعري بين أنامل
قلمها .. فـ تُطرب من يقرأها .. ويتضح هدوءها بين المفردات ..
فـ شواردها حواضر تتلألأ في سماء أبعاد .
الريم .. شكراً لك ِ ولحرفك ولثقافتك و لوعيك ولذاك التوقيع .
.
.
احتراماتي

 

[الريـــــم]

عندما يصمت فاه تتحدث عيناه
لتحكي ما لم ينبس عنه ببنت شفة

أترككم معنا .. والزعـل !!


أصدّق يعني ماتدري
زعلك يضيق بهْ صدري !

بربّك قول ، علّمني
وش اللي مزعلّك مني ؟


ويعني لو تزاعلنـا !
تظّن إنّ الزعل قادر يفرقنا ؟

ولو نفرض تفارقنا
فراق أجساد

تظل قلوبنا دايم تعاتبنا
وتذكرنا بأمانينا / وأغانينا / وحكاوينا

ويعني لو تزاعلنا !
تظن إنّ الغـلا بـ ينقص ؟
أو أتغيّر ولا أحبـك ؟!


ويعني لو تزاعلنا .. !

أبد يعني ولاتهتم
أبي أتضايق
ويضيق الكون من حولي
ويبان الشوق في عيوني
وفي نحولي


حبيبي ..
وتدري .. وأدريبك
زعلنا هذا ما يبطي
ولا يقدر يفرقنا
لأنّا من الزعل أكبر



وتمر أيام
ويرّجعنا الوله .. بدري
ولا ندري ..!!

ونحاول نخفي اللهفة
ونكابر في مشاعرنا


مصيبتنا :
نسينا عيوننا تحكي ..
ولو حاولنا ما نشكي ..!

 

[الريـــــم]

سنين الحب ويــن أنتِ ؟!
بي أيام العُمر دارت
وقمت أضحك وأنا أدري
بيجيني يـــوم
يعاندني
ويهديني أسى وهموم ..!!

ويجي سيف العنا جلاّد
ولا أشكي ..
ولا أبكي ..

تعوّدته
يجي لمي على الميعاد !!
ويوقف حارس لــ بابي
يحرمن شوفة أحبابي !!
.
.
سنين الحب وين أنتِ ؟!
عيون الخوف
تناظرني
تراقبني
تبي تقفل علي بابي
تبي تقطف زهر حبـي
تبي تبعد
تبي ترحل
معاني الشوق من قلبي !!
.
زماني يسألن مرّه
عن الشوق اللي مامره
عن الدنيـا
عن الأفراح

وما يدري عن إحساسي
غدى في زحمة الدنيا
خوي هموم
خوي جراح
وكل اللي بقى عنده
أماني
والهوى غدار

ولا وده
ولا بيده
وأمره في يد الاقدار !!
.
.
سنين الحب وين أنتِ ؟!
نسيتي
يوم يلقاني
وعلى خد الفرح دمعه
وليل الحب
وأشواقه
بصدري منه مجتمعه !!
.
.
سنين الحب وين أنتِ ؟!
أبد ماصار بالدنيا
أمل يومك تغيبتي
سنين الحب
ماكنتي !!