نصوص بلا أجنحة ..🪽🪽

[نوف الناصر]

•

عندما يكون العطاء من طرفٍ واحد..


•

‏

كان الدموع وْكِنت منديله ( التّور )
‏ميّلت له كتفي تَراكى عليّهْ

‏كان الأمان وكنت له أصدق شْعور
‏صار الغريب .. وماتت الروح فِيّهْ

‏كان الغياب وكنت له أجمل حْضور
‏كنت النخيل اللي تظلّل بـ فَيَّهْ

‏كان الجفاف وكنت له غيم ممطور
‏ صارت ضلوعي مِمْحِلَة جَرْهَدِيّة

‏ليت الظلام بْداخلي يَكْسِرَهْ نور
‏مليت اعيش بْعتمةٍ سرمديّة

‏ودي أغني للمطر .. قلبي البور
‏لكنّ صوتي قد خذلني شِويّة

‏ودي أسولف للغصن (موت عصفور)
‏راح وترك من بعض ريشه هديّة*

‏ودي أفضفض لكن البوح مبتور
‏كلما كِتَبْتَهْ عاندتني يِديّه

‏ودي ولكن خاطري منه مكسور
يكفي حكي ماعادِ بَهْ مِنْ بقيّة
‏
‏

•

* أو ربما ( وصية )

ابريل 2023


https://x.com/too_simple_girl/status...-Zv_esWEdZ8POQ